S ,7 à 8 RSCA (si SASPAS) et 6 cialis pharmacie cialis rapports de stage.
సాహితి
కవిగా, పండితునిగా, పరిశోధకునిగా, అధ్యాపకునిగా సాహిత్యలోకంలో సుప్రసిద్ధులు. 87 ఏళ్ళ వయస్సులోనూ ఆయన రచనా దాహం తీరలేదు... రోజుకు ఐదారు పేజీలయినా చదువకుండా, రాయకుండా ఉండలేని ఆయన పట్టుదల యువతరానికి సదా స్ఫూర్తిదాయకం. పురాణేతిహాసాలు, ప్రబంధ కావ్యాలనుండి కాకుండా జానపద గ్రామీణ ఇతివృత్తాల్ని స్వీకరించి నవ్య ప్రబంధ రీతి కవిత్వం రాశారు. వీటిలో సమకాలీనతని ప్రతిబింబించారు.
నేటి వాడుక భాషా వ్యాప్తికి కారణం గుఱజాడ వారు గిడుగువారు అనే తిరుగులేని అభిప్రాయం ఏర్పడిపోయింది. వాడుక లేక వ్యవహారిక భాష అంటే ఏమిటి? ప్రజలు నిత్య కృత్యాలలో జరుపుకునే సంభాషణలు. ఇది అన్ని ప్రదేశాలలోను ఒకే మాదిరిగా ఉండవు. కన్యాశుల్కం నాటకం వాడుక భాషలో జరిగిందని అందరు చెబుతారు. కాని ఈ నాటకం తెలంగాణాలోను రాయలసీమలోను చాలవరకు అవగాహన కాదు. ఈ నాటకంలో సంస్కృతం ఉంది. ఇంగ్లీషు ఉంది. హిందుస్థానీ ఉంది.
ఎవరు గెలిచినా వొకటే
నోటో, కులం పోటో వోటేసినప్పుడు
వేలికొస మీది సిరాచుక్క నలుపు మొహంతో
మన ప్రజాస్వామ్యాన్ని వెక్కిరిస్తున్నప్పుడు
దేశ గగనతలం మీద ఏ సూర్యుడు పొడిచినా
స్వాతంత్య్రపు వెలుగు మాత్రం ప్రసరించనప్పుడు
ఎవరు గెలిచినా వొకటే
నోటో, కులం పోటో, వోటేసినప్పుడు
ఇదే క్షణం ప్రతి క్షణం
మాటల కాలుష్య మేఘాలన్నీ
ఢీకొంటున్న ఆకాశంలో
శబ్ద తరంగాలను వర్షించే
‘ఇ’కాలమంతా
‘టాక్‌టైమ్’ లెక్కల్లో
గలగలా మోగుతూ
ఎవరి యాసలో వారు
సెల్‌ఫోన్ వాసులై
ఎడతెగని కబుర్లతో
‘ఫేస్‌బుక్’ ఆకర్షణలో
ఒంటరితనాన్ని -
తప్పించుకు తిరిగే
ఈ భూగోళం మీదే
‘టవర్ ఆఫ్ బెబెల్’ నిర్మించుకున్న మనం
మాటల్ని వెతుక్కుంటున్నాను
మనసు నిండా మాట్లాడ్డం బందై
చాలాకాలమైంది
అట్లని వౌనం పందిరి కింద
నేనేమీ ఖాళీగా లేను
సముద్రపు అలల అంచుల్లోని
మీగడలాంటి నురగని
దోసిట్లోకి తీసుకుని ముద్దాడుతున్నాను
ఆకాశం కాన్వాస్‌పై
మబ్బులు వేస్తున్న
రంగుల చిత్రాల్ని
ఆస్వాదిస్తున్నాను
ఎప్పుడైనా ఎవరికైనా
మరణం ఎలా రావాలంటే
పిలవగానే కువకువలాడుతూ
పెంపుడు పావురంలా
భుజం పైన వచ్చి వాలాలి
టికెట్టు కొనుక్కున్న రైలుబండిని
సకాలంలో అందుకున్నట్టు
నిదానంగా అన్నీ సర్దుకుని నింపాదిగా ఎక్కాలి
పూర్తిగా చదివేసిన పుస్తకాన్ని
జాగ్రత్తగా మడిచిపెట్టి మననం చేసుకున్నట్టు
మనస్ఫూర్తిగా మనశ్శాంతితో వెళ్ళిపోవాలి