తెలంగాణ
సాగర్ 18 గేట్ల ద్వారా నీటి విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
నాగార్జునసాగర్, అక్టోబర్ 23: నాగార్జునసాగర్ జలాశయానికి బుధవారం నుండి వరద నీరు భారీగా వచ్చి చేరుతోంది. దీంతో సాగర్‌లో 18 క్రస్టు గేట్లను 15 అడుగుల మేరకు ఎత్తి దిగువకు నీటి విడుదల చేస్తున్నారు. మంగళవారం నాడే సాగర్ ఎగువన శ్రీశైల జలాశయానికి ఇన్‌ఫ్లో తాకడంతో సాగర్‌లో రెండు గేట్ల ద్వారా నీటి విడుదల ప్రారంభించారు. బుధవారం ఉదయం వరకు 14 గేట్ల ద్వారా నీటి విడుదల చేసిన అధికారులు ఇన్‌ఫ్లో పెరుగుతుండటంతో ప్రస్తుతం 18 గేట్ల ద్వారా నీటిని విడుదల చేస్తున్నారు. శ్రీశైలం నుండి వస్తున్న ఇన్‌ఫ్లో మరింతగా పెరిగే అవకాశం ఉన్నందున సాగర్‌లో గేట్ల ద్వారా విడుదల చేసే నీటి పరిమాణం పెరగనుంది. ప్రస్తుతం సాగర్ జలాశయానికి 4,35,401 క్యూసెక్కులు వస్తుండగా వచ్చింది వచ్చినట్టుగా గేట్ల ద్వారా కుడి, ఎడమ కాల్వలు, విద్యుత్ ఉత్పత్తి ద్వారా విడుదల చేస్తున్నారు. సాగర్ జలాశయంలో ప్రస్తుతం 589.60 అడుగులు ఉండగా కుడి కాల్వ ద్వారా 6,766 క్యూసెక్కులు, ఎడమ కాల్వ ద్వారా 2,557 క్యూసెక్కులు, విద్యుత్ ఉత్పత్తి ద్వారా 32,418 క్యూసెక్కులు, ఎస్‌ఎల్‌బీసీ ద్వారా 2,400 క్యూసెక్కులు, వరద కాల్వ ద్వారా 300 క్యూసెక్కులను 18 క్రస్టు గేట్లను 15 అడుగుల మేరకు ఎత్తి 3,91,050 క్యూసెక్కులను, మొత్తంగా 4,35,401 క్యూసెక్కులను విడుదల చేస్తున్నారు. శ్రీశైలానికి ఎగువ నుండి 4,48,648 క్యూసెక్కులు వస్తుండగా ప్రస్తుతం 884.80 అడుగులుగా ఉంది. సాగర్ డ్యాం క్రస్టు గేట్ల ద్వారా భారీగా నీటి విడుదల జరుగుతుండటంతో డ్యాం దిగువ భాగాన శివాలయం ఘాట్, అంజనేయస్వామి ఘాట్ వద్ద సందర్శకులు కృష్ణా నదిలో దిగకుండా ఎస్‌ఐ శ్రీనివాస్ చర్యలు తీసుకుంటున్నారు.
*చిత్రం... సాగర్‌లో 18 గేట్ల ద్వారా విడుదలవుతున్న నీరు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.