తెలంగాణ
పుణ్య స్నానాలకు పోటెత్తిన పుష్కర ఘాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, ఆగస్టు 20: కృష్ణా పుష్కర ఘాట్లు తొమ్మిదవ రోజు పుష్కర పుణ్య స్నానాలకు లక్షలాదిగా తరలివచ్చిన భక్తజనంతో జనజాతరను తలపించాయి. కృష్ణావేణి జన ప్రవాహంతో సాగుతుందన్నట్లుగా తీరం వెంట మట్టపల్లి, వాడపల్లి, నాగార్జున సాగర్, అడవిదేవులపల్లి, ధర్శేశిపురం, ఛాయ సోమేశ్వర, ఆజ్మాపూర్, నేరడుచర్ల మహంకాళీఘాట్, మేళ్లచెర్వు కిష్టాపురం, వజినేపల్లి పుష్కర ఘాట్లు భక్తజనం పుష్కర స్నానాలతో పొటెత్తాయి. పుష్కరాల ముగింపు సమయం దగ్గర పడుతున్న కొద్ధి భక్తుల రద్ధీ పెరిగిపోతుండగా అత్యధికంగా నాగార్జున సాగర్ పుష్కర ఘాట్‌కు భక్తుల తాకిడి ఎక్కువైంది. ఎండలు దంచుతున్నా భక్తులు సుదూర ప్రాంతాల నుండి కృష్ణమ్మ ఒడిలో పుష్కర పుణ్య స్నానాలకు వ్యయప్రయాసలతో తరలివస్తున్నారు. మట్టపల్లి, వాడపల్లి, సాగర్ ఘాట్‌లకు సాయంత్రంకల్లా నాలుగు లక్షల మందికి పైగా జనం రాగా జిల్లా వ్యాప్తంగా శనివారం ఆయా ఘాట్‌లలో 5లక్షల మందికి పైగా భక్తులు పుష్కర స్నానాలు ఆఛరించినట్లు తెలుస్తుంది. వాడపల్లిలో శివాలయం పుష్కర ఘాట్‌కు భక్తుల తాకిడి ఎక్కువవ్వడంతో ఇతర ఘాట్‌లకు భక్తులను మళ్లించారు. దైవ దర్శనాలకు బారులు తీరిన భక్తజనంతో మట్టపల్లి లక్ష్మినరసింహ, వాడపల్లి లక్ష్మీనరసింహ, మీనాక్షీ అగస్తేశ్వర, సాగర్ శివాలయం, అడవిదేవులపల్లి బౌద్ధమగుళ్ల సూర్యదేవాలయం,పంచాయతన శివాలయాలు కిటకిటలా డాయి. అటు కాచరాజుపల్లి, ఉట్లపల్లి, పెద్దమునిగాల్, బుగ్గమాదారం ఘాట్‌లకు సైతం పుష్కర రోజుల చివరికి చేరుతున్న క్రమంలో భక్తుల రాక పెరిగిపోతుంది. మట్టపల్లిలో మధురై హైకోర్డు జడ్జీ నూతి రాంమోహన్‌రావు కుటుంబంతో పుష్కర స్నానం చేసి లక్ష్మీనరసింహుడి దర్శనం చేసుకున్నారు.
చిత్రం.. నల్లగొండ జిల్లా ధర్వేశిపురం ఘాట్‌లో పుష్కర స్నానాలచరిస్తున్న భక్తులు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.