తెలంగాణ
రిజిస్ట్రార్ కార్యాలయాల్లో ఆన్‌లైన్ సేవలు
S ,7 à 8 RSCA (si SASPAS) et 6 cialis pharmacie cialis rapports de stage.
షాద్‌నగర్, మే 16: రెవెన్యూ, రిజిస్ట్రేషన్ శాఖలకు సంబంధించి త్వరలో అన్ని సేవలను ఆన్‌లైన్‌లో పొందుపరుస్తామని, ఎవరికి ఏం అవసరం ఉన్నా నేరుగా ఆన్‌లైన ద్వారా పొందవచ్చునని రాష్ట్ర ఉప ముఖ్యమంత్రి మహమూద్ అలీ అన్నారు. సోమవారం మహబూబ్‌నగర్ జిల్లా షాద్‌నగర్ పట్టణంలోని వెంకటేశ్వర కాలనీలో సబ్ రిజిస్ట్రేషన్ నూతన కార్యాలయ భవనాల నిర్మాణానికి ఆయన శంకుస్థాపన చేశారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ, ప్రస్తుతం రాష్ట్రంలో 65 సబ్ రిజిస్ట్రేషన్ కార్యాలయాల భవనాల నిర్మాణాలకు శంకుస్థాపన చేశామని, సంవత్సరం చివరి నాటికి వీటిని ప్రజలకు అందుబాటులోకి తీసుకొస్తామని చెప్పారు. సబ్ రిజిస్ట్రేషన్ కార్యాలయాల్లో ఉదయం ఎనిమిది గంటల నుండి రాత్రి ఎనిమిది గంటల వరకు రిజిస్ట్రేషన్లు చేస్తామని అన్నారు. వచ్చే మూడేళ్లల్లో రాష్ట్ర వ్యాప్తంగా ప్రభుత్వ కార్యాలయాలకు స్వంత భవనాలు నిర్మించేందుకు ప్రభుత్వం అన్నివిధాల చర్యలు తీసుకుంటుందని రాష్ట్ర వ్యాప్తంగా అన్ని ప్రభుత్వ కార్యాలయాలకు స్వంత భవనాలు నిర్మించేందుకు సిఎం కెసిఆర్ ప్రణాళికలు సిద్ధం చేస్తున్నారని వివరించారు. ప్రజలకు అవినీతి రహిత పాలన అందించేందుకు అధికారులు కృతనిశ్చయంతో పనిచేయాలని సూచించారు. అధునాతన హంగులతో సబ్ రిజిస్ట్రేషన్ కార్యాలయాలను నిర్మించేందుకు ప్రణాళిలకను తయారు చేస్తున్నామని, అందులో సిఎం కెసిఆర్ కొన్ని మార్పులు చేస్తున్నారని, త్వరలోనే వాటిని సిఎం ఆమోదిస్తారని వివరించారు. ఎమ్మెల్యే ఎల్గనమోని అంజయ్య యాదవ్ మాట్లాడుతూ సిఎం కెసిఆర్ ప్రవేశపెట్టిన మిషన్ భగీరథ, మిషన్‌కాకతీయ, వాటర్‌గ్రిడ్ వంటి మహాత్తరమై పథకాల అభివృద్ధిపై దేశ ప్రజలు హర్షం వ్యక్తం చేస్తున్నారని అన్నారు.
ఈ కార్యక్రమంలో వైద్య ఆరోగ్య శాఖ మంత్రి డాక్టర్ లక్ష్మారెడ్డి, ఎంపి ఎపి జితేందర్‌రెడ్డి, జడ్పీ చైర్మన్ బండారి భాస్కర్, మహబూబ్‌నగర్ ఎమ్మెల్యే శ్రీనివాస్‌గౌడ్, మాజీ ఎమ్మెల్యే డాక్టర్ పి.శంకర్‌రావు, జాయింట్ రిజిస్ట్రార్ వెంకట్‌రాజేష్, రంగారెడ్డి జోనల్ డిఐజి మధుసూదన్‌రెడ్డి, ఆర్డీఓ హన్మంత్‌రెడ్డి, జిల్లా రిజిస్ట్రార్ డి.ట్వింకిల్ జోన్, స్థానిక రిజిస్ట్రార్లు దేవానంద్, సులోచనాదేవి, ఎంపిపి బుజ్జినాయక్, జడ్పిటిసి సభ్యురాలు అరుణ, ఎంపిడివో రాజేశ్వరీ, తహశీల్దార్ చందర్‌రావు, ఎంపిటిసి సభ్యులు, సర్పంచులు, టిఆర్‌ఎస్ నాయకులు పాల్గొన్నారు.
చిత్రం సమావేశంలో మాట్లాడుతున్న డిప్యూటీ సిఎం మహమూద్ అలీ
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.