కొత్త రాష్ట్రంలో సమస్యలు సహజం: బాబు

విజయవాడ: కొత్తగా ఏర్పడిన రాష్ట్రంలో సమస్యలు ఎదురైనంత మాత్రాన నిరుత్సాహపడరాదని ఎపి సిఎం చంద్రబాబు అన్నారు. ఆయన సోమవారం ఉదయం వెలగపూడిలో పర్యటించి తాత్కాలిక సచివాలయ నిర్మాణం పనులను పరిశీలించారు. అయిదు అంతస్థుల సచివాలయం, ఇతర నిర్మాణాలు, ప్రాథమిక వసతుల కల్పనపై అధికారులతో సమీక్ష జరిపారు. వౌలిక వసతులు కల్పించి వీలైనంత త్వరగా సొంత రాష్ట్రంలో పాలన అందించాలన్నదే ప్రభుత్వ ధ్యేయమన్నారు. ఈ నెల 27లోగా రాజధానికి తరలివచ్చే ఉద్యోగులు, 27 తర్వాత చేరుకునే ఉద్యోగుల వివరాలను ఆయన ఆరా తీశారు. వెలగపూడిలో పనిచేసే ఉద్యోగులకు సకల సౌకర్యాలు కల్పిస్తామని ఆయన ప్రకటించారు.