బందరులో బాలమిత్ర మండలిలో నటిగా కన్నాంబ, ప్రయోక్తగా కడారు నాగభూషణం పనిచేశారు. వారిరువురూ పరిణయం చేసుకొని శ్రీ రాజరాజేశ్వరి నాట్యమండలి ద్వారా పలు నాటకాలు ప్రదర్శించి, ఆపైన శ్రీ రాజరాజేశ్వరి ఫిలిం కంపెనీ నెలకొల్పారు. మద్రాసులో చిత్ర నిర్మాణం చేపట్టారు. పలు విజయవంతమైన చిత్రాలను తమిళ, తెలుగు భాషల్లో రూపొందించారు. ఒకేసారి తెలుగు, తమిళ భాషల్లో చిత్రం నిర్మించే విధానానికి ఆద్యులు వీరే.

స్టిల్ ఫొటోగ్రాఫర్‌గా జీవితాన్ని ప్రారంభించారు పర్వతనేని గంగాధరరావు అనేకమంది స్నేహితులతో కలిసి ‘నవశక్తి ఫిలిమ్స్’పేరుతో హైదరాబాద్‌ళో తొలి తెలుగు చిత్రం ‘మా ఇంటి మహాలక్ష్మి’, మద్రాస్‌లో ‘కలిమి లేములు’ నిర్మించారు. ఆ తరువాత ‘హైదరాబాద్ మూవీస్’పేరిట ‘జల్సారాయుడు’(1960), పెళ్ళికాని పిల్లలు (1961), కీలుబొమ్మలు (1965) నిర్మించారు. 1967లో మొదలుపెట్టి 1968లో వీరు విడుదల చేసిన చిత్రం అర్ధరాత్రి.

అక్కినేని నాగేశ్వరరావు వంటి మహా నటుడి, నట జీవితానికి పునాది వేసిన వ్యక్తి శ్రీ ఘంటసాల బలరామయ్య. 1906న నెల్లూరు జిల్లాలోని పొట్టిపామెలో జన్మించారు. నలుగురు అన్నదమ్ములలో 3వ వారు. పెద్దన్నయ్య రాధాకృష్ణయ్యతో కలిసి పలు నాటకాలలో నటించారు.

ఏ.వి.మెయ్యప్పన్ 1938లో అల్లి అర్జున్‌తో 1940 ప్రగతి స్టూడియోస్ ప్రారంభించి, కొన్ని చిత్రాలు రూపొందించారు. 1945లో మద్రాస్‌లో శాంథోంలో ఎ.వి.యం.స్టూడియోస్ ప్రారంభించి పలు చిత్రాలు రూపొందించారు. వైజయంతి మాల నటిగా పరిచయమైన, ‘జీవితం’ చిత్రం వారి విజయవంతమైన చిత్రాల్లో ఒకటి. తెలుగు, తమిళ, కన్నడ, హిందీ భాషల్లో 100 పైగా చిత్రాలను నిర్మించిన సంస్థ. ఏ.వి.ఎం. 1968లో ఈ సంస్థ రూపొందించిన చిత్రం ‘రాము’.