స్క్రీన్ చించేస్తున్న బాలీవుడ్ సెక్స్ బాంబుల గురించి వ్యాసం బావుంది. షకీలా రాకముందే మలయాళ చిత్రాలపై సెక్సీ ముద్ర ఉండేది. నిజానికి ఆ కథలు కాస్త బోల్డ్‌గా ఉండేవి తప్ప శృంగారం మితిమీరేది కాదు. ఆ బోల్డ్‌నెస్‌నే సెక్సీ అనేవారు. ఇప్పుడు పచ్చి శృంగారమే బాలీవుడ్‌ని ముంచెత్తుతోంది. అయితే పబ్బులు, వీడియో పార్లర్లు, లాప్‌టాప్‌లు వచ్చాక యువత అటు మళ్లింది.

ఈవారం వచ్చిన ‘ది జంగిల్ బుక్’ సినిమా పిల్లలకు షడ్రసోపేతమైన విందులాంటి చిత్రం. మొదటినుండీ సినిమా అయిపోయేంతవరకూ అద్భుతమైన గ్రాఫిక్స్‌తో అలరించిన ఈ సినిమాను ప్రతివారూ తప్పక చూడదగిందే. ప్రస్తుతం సాంకేతికంగా సినిమా ఎంత అభివృద్ధి చెందిందో ఈ సినిమా చూస్తే తెలుస్తుంది. ముఖ్యంగా జంతువుల ముఖాలలో నటన చూస్తే ముచ్చటేసింది.

తారల ప్రేమలు, ఎంగేజ్‌మెంట్లు, వివాహాలు, విడాకులు తోసుకురాడానికి రద్దవడానికి సంపాదన హెచ్చుతగ్గులే కారణమని స్థూలంగా చెప్పొచ్చు. పెళ్లివరకు రాకుండానే ఎన్నో ప్రేమలు ఎండిపోయాయని మనకు తెలుసు. వరుణ్‌తో ఎంగేజ్‌మెంట్ రద్దయిన బాధలో త్రిష విరామం లేకుండా నటించేస్తున్నదనడం కేవలం భ్రమ. చేతిలో చిత్రాలు లేనప్పుడు ఎంగేజ్‌మెంట్ జరిగింది. చిత్రాలు రాగానే రద్దయ్యంది. చాలామంది అంతే.

తెలుగులో తనకంటూ మార్కెట్ క్రియేట్ చేసుకోవడానికి విశాల్ పడుతున్న కష్టం అంతా ఇంతా కాదు. తెలుగులో ఇప్పుడొస్తున్న చాలామంది హీరోలకంటే మంచి పెర్ఫార్మెన్స్, సత్తా కలిగిన హీరోయే అయనా, ఎందుకో ఇక్కడ అతనికి స్థిరమైన మార్కెట్ ఉండటం లేదు. యాక్షన్, ఎమోషన్స్ పలికించగలగటంలో నేర్పరే అయనా, తమిళ్ నుంచి డబ్బింగ్ అవుతున్న అతని సినిమాలు తెలుగు ఆడియన్స్‌కు దగ్గర కాలేకపోతున్నాయ.