ఏడాదంతా -ఏక్‌దమ్ సినిమాలు గత్తరగత్తర చేశాయి.
అంచనాలు తలకిందులైనవి కొన్నయితే, అంచనాల్లేకుండా వచ్చి
ఎవరెస్ట్ ఎక్కినవి కొన్ని. చిన్న సినిమా అనుకున్నది -పెద్ద సినిమా వసూళ్లు
రాబడితే, పెద్దవనుకున్న సినిమాలు ‘చిన్న’బోయి తప్పుకున్నవీ ఉన్నాయి.
ఫ్రేమ్‌ని క్లోజప్‌చేసి చూస్తే -తెలుగు సినిమా స్టామినా చూపించే సన్నివేశాలు

చిన్న సినిమాలు చాలావరకూ -పేలాల్లా పేలిపోతున్నాయి. అదృష్టం కలిసొచ్చి పెద్ద సినిమాలు అడ్డురాకుంటే.. ఆశించినట్టుగా థియేటర్లు దొరికితే.. ఇబ్బందిలేకుంటే సినిమా ఆడకపోతుందా? అన్న ఆశలతో చిన్న సినిమాలు టాలీవుడ్ కార్ఖానాలో తయారవుతూనే ఉన్నాయి. విడుదలవుతూనే ఉన్నాయి. అయినా -చిన్న సినిమా పేలిపోతుంది. ఎందుకు?
**

చిన్న కథ. చిత్రమైన కథనం. చిగురంత పెట్టుబడి. చికాకుపెట్టని కాస్టింగ్. చివరి వరకూ వెన్నుదన్నుగా నిలిచే టెక్నీషియన్లు. చిత్రానికి ప్రాణం పోయగల సంగీతం. వీటన్నింటినీ మంచిగా తాలింపు పెట్టే కొంచెం అనుభవమున్న దర్శకుడు. వెరసి -సింపుల్‌గా మంచి చిన్న సినిమా.