మిల్కీ బ్యూటీగా పేరున్న తమన్నా తాజాగా తనలో మంచి నటి వుందని నిర్ణయించే పాత్రలను ఎంచుకుంటోంది. ఇటీవల ఆమె ‘బాహుబలి’లో చేసిన పాత్ర అలాంటిదే. ప్రస్తుతం ‘ఊపిరి’, ‘బెంగాల్ టైగర్’ చిత్రాలలో అగ్ర హీరోల సరసన నటిస్తోంది. అయితే, సినిమాల్లోకి రావడం యాదృచ్ఛికంగా జరిగిందేనని, అసలు నటి అవ్వడం తనకు ఇష్టం లేదంటోంది. అదృష్టం అలా వుంటే ఏం చేస్తామని, అందుకే నటిస్తున్నానంటూ చెప్పుకొచ్చింది.

సహజంగా కమల్‌హసన్ సినిమా అంటే ఖచ్చితంగా ఓ ముద్దు సీన్ వుండడం ఖాయం. హీరోయిన్‌ను ఎంచుకోవడంలో కూడా కమల్‌హసన్ ఓ వైవిధ్యాన్ని ప్రదర్శిస్తాడు. ఆ అవకాశం ఎవరికొస్తుందా అని హీరోయిన్లు కూడా ఎదురుచూస్తుంటారు. అలాంటి అవకాశం ఈసారి మధుశాలినికి దక్కింది. చీకటిరాజ్యం చిత్రంలో తెలుగుమ్మాయి ముద్దు సన్నివేశంలో నటించి రికార్డు సృష్టించింది. ఈ విషయమై మధుశాలిని అడిగితే కథ కోసమే చేశానంటోంది.