ఎవడు కొడితే దిమ్మతిరిగి మైండ్ బ్లాంక్ అవుతుందో వాడే పండు. పూరి జగన్నాథ్ సినిమాలోని ఈ డైలాగు తెలుగు నెలను ఒక ఊపు ఊపింది. ఇది అందరికీ తెలుసు కాని విషయం ఏమంటే ... చాలా మంది జీవితాల్లో ఇలా దిమ్మతిరిగి మైండ్ బ్లాంక్ అయ్యేట్టు చేసే పండుగాడు చాలా మంది జీవితాల్లో ఉంటారు. చివరకు ఆ డైలాగు రాసిన పూరి జగన్నాథ్ జీవితంలో కూడా ఉన్నాడు. తెలుగులో ఇప్పటి వరకు ఎవరూ సంపాదించనంత డబ్బు సంపాదించిన దర్శకుడు ఆయన.

బ్బుకు సంబంధించి మీకు ఎలాంటి ఆలోచనలు వస్తాయి. మీ భవిష్యత్తు నిర్ణయించేది ఇలాంటి ఆలోచనలే. ఆలోచనలు సక్రమమైన మార్గంలో వెళుతున్నాయా? లేదా? మీకు మీరే తేల్చుకోండి.

ప్రతి మగవాడి విజయం వెనుక ఒక స్ర్తి ఉంటుంది అంటారు. విజయం సాధించిన స్ర్తి వెనుక ఐనా, పురుషుడి వెనక అయినా కచ్చితంగా లాంగ్ విజన్ ఉంటుంది. ఈ రోజు సంపాదించాం, ఈ రోజు అనుభవించాం, ఈ రోజు సుఖంగా గడిచింది అది చాలు ఆనే ఆలోచన ఉన్నవారి జీవితం గొర్రె తోక బెత్తెడు అన్నట్టుగానే ఉంటుంది. అలా కాకుండా దూరదృష్టితో భవిష్యత్తు గురించి ఆలోచించిన వారి జీవితం కచ్చితంగా మెరుగ్గా ఉంటుంది.

సంపాదించడం, పొదుపు, పెట్టుబడి వీటికి సంబంధించిన జ్ఞానమే సరిపోదు. మనుషులు మనస్తత్వాలు కూడా తెలియాలి. డబ్బులకు సంబంధించి దగ్గరి వారిని కూడా ఎంత వరకు విశ్వసించవచ్చు. వారసులకు ఏ విధంగా సంపద ఇవ్వాలి అనే జ్ఞానం కూడా అవసరం. నలుగురితో మాట్లాడినప్పుడు వారి జీవిత అనుభవాలు మనకూ ఉపయోగపడవచ్చు.
***