S ,7 à 8 RSCA (si SASPAS) et 6 cialis pharmacie cialis rapports de stage.

ఆదివారం

విగ్రహాలు

విగ్రహం విశ్వరూపుని ప్రతిరూపం
విత్తనంలో వృక్షంలా విగ్రహంలో విరాట్టు
కన్నులు చాలని భూగోళానికి
గ్లోబేగా సూక్ష్మ ప్రతిమానం
నీటిలో నిజం నీడలా కదలాడేను
మూర్తిలో పరమాత్మ జాడ తొలకాడేను
దరిజేర్చే దారిలా గుఱి కుదిర్చే గుఱుతు విగ్రహం
మనసుంటే మట్టిలోనూ మతం
నమ్మితే రాతిలోనూ దైవం
ప్రేమిస్తే బొమ్మలు ప్రాణం పోసుకుంటాయి
పూజిస్తే విగ్రహాలు అనుగ్రహిస్తాయి
విగ్రహాల విలువ తెలిసిన వాళ్లం కాబట్టే
వాటికి గుడి కడతాం గుండెల్లో పెట్టుకుంటాం
విగ్రహాలంటే అంతే!
ముక్కూ ముఖం లేనిదైనా శివలింగ దర్శనం
ఎంత చూసినా తనివి తీరని తన్మయత్వం
మేఘంలో మెరుపులా విగ్రహంలో వేలుపు
విగ్రహాలు ఆధ్యాత్మిక జీవన ప్రమాణాలు
తరతరాల మన ఆచారాలకు తార్కాణాలు
నమ్మి చెడిన వాడెవడు?
నమ్మక బాగుపడిన ఘనుడెవడు?
విగ్రహం దేవుని ఆనవాలు
అనుగ్రహం అతని చేవ్రాలు

-చిరమన వెంకట రమణయ్య 9441380336