ఏకాంతంలో...
Published Saturday, 12 October 2019ఏకాంతంలో నేనొక
ప్రశ్నల పుట్టనయిపోతాను
ఎనె్నన్నో ప్రశ్నలు!
నేనెవరు?
నా గమ్యం ఏమిటి?
నా గమనం ఎటువైపు?
మనసు సంద్రంలో
ఏవేవో ప్రశ్నల కెరటాలు!
ఏకాంతంలో నేనొక
అక్షరాల చెట్టయిపోతాను
వాక్యాల కొమ్మలకు
ఊగుతుంటాను
నావేలి కొసలు ప్రసవించిన
అక్షరాలను ప్రేమగా
నిమురుతుంటాను!
ఏకాంతంలో నేనొక
ఆలోచనల బుట్టనయిపోతాను
అందమైన జ్ఞాపకాల పూలతో
అంతర్మథనపు తీయనిపళ్ళతో
నన్ను నేను
నింపుకుంటాను!
కాసింత ఏకాంతం
పంచే పరిమళాన్ని
ఒకింత వౌనం
నింపే ఆహ్లాదాన్ని
ఎప్పటికీ పోగొట్టుకోలేను!
ఎందుకంటే
ఏకాంతం
నన్ను శిలలా చెక్కే ఉలి
నేను మనసు పారేసుకున్న చెలి!