వరంగల్, నవంబర్ 20: వరంగల్ పార్లమెంటు ఉప ఎన్నికకు సర్వం సిద్ధమైంది. ఈ నెల 21న (నేడు) జరిగే పోలింగ్ కోసం యంత్రాంగం అన్ని ఏర్పాట్లు చేసింది. వరంగల్ పార్లమెంటు పరిధిలోని ఏడు నియోజకవర్గాల పరిధిలో జరిగే పోలింగ్‌లో ఎలాంటి అవాంఛనీయ సంఘటనలు జరుగకుండా జిల్లా యంత్రాంగం పకడ్బందీగా ఏర్పాట్లు చేశారు. అందుకోసం 20 కంపెనీల భద్రతా దళాలు మోహరించారు.

నల్లగొండ, నవంబర్ 20: తెలంగాణ జిల్లాల్లో ఖరీఫ్ ధాన్యం, పత్తి దిగుబడుల అమ్మకాల్లో రైతన్నల కష్టాలు కొనసాగుతున్నాయి. కరవుతో దెబ్బతిన్న పంటల నుండి దక్కిన అరకొర దిగుబడులను వ్యయప్రయాసల మధ్య కొనుగోలు కేంద్రాలకు తరలించి విక్రయిస్తే సకాలంలో డబ్బులు అందక రైతన్నలు మరిన్ని ఇబ్బందులు పడుతున్నారు.

ఖమ్మం, నవంబర్ 20: హిందు సంప్రదాయం ప్రకారం రాష్ట్రంలోనే మొదటి సారిగా గోతులాభారాన్ని శుక్రవారం ఖమ్మం నగరంలో ఘనంగా నిర్వహించారు. సంస్కృతి, సాంప్రాదాయాలను తెలియ చేస్తూ గోవుల ప్రాముఖ్యతను వివరిస్తూ ఈ కార్యక్రమాన్ని నిర్వహించారు. వేల సంఖ్యలో భక్తులు ఈ కార్యక్రమానికి హాజరై భక్త్భివాన్ని చాటుకున్నారు. గోవుకు అత్యంత ప్రీతిపాత్రమైన దాణాతో తులాభారాన్ని నిర్వహించారు.

కోహెడ, నవంబర్ 20: హుస్నాబాద్ నియోజకవర్గంలో సాగునీటి సౌకర్యం కల్పించేందుకుగాను చేపట్టిన గౌరవెల్లి-గండిపెల్లి ప్రాజెక్టుల నిర్మాణానికి రూ.1200కోట్ల నిధులను మంజూరు చేసినట్లు రాష్ట్ర నీటిపారుదల శాఖ మంత్రి తన్నీర్ హరీష్‌రావు వెల్లడించారు. కరీంనగర్ జిల్లా కోహెడ మండలం పోరెడ్డిపల్లిలో పెద్ద వాగుపై రూ.11.15కోట్ల వ్యయంతో చెక్‌డ్యాం కం బ్రిడ్జి, రోడ్డు నిర్మాణం పనులకు శుక్రవారం మంత్రి శంకుస్థాపన చేశారు.