హైదరాబాద్, జనవరి 7: మిషన్ భగీరథకు అటవీ శాఖ నుంచి అడ్డంకులు తొలగిపోయాయి, ఎలక్ట్రికల్ పనుల్లో టిఎస్‌ఎస్‌పిడిసిఎల్ వేగాన్ని పెంచింది. దీంతో ఏప్రిల్ 30 నాటికి హైదరాబాద్ మెట్రో సెగ్మెంట్‌లోని తొమ్మిది నియోజక వర్గాలకు మిషన్ భగీరథ పథకం కింద ఇంటింటికి తాగునీటిని అందిస్తారు.

హైదరాబాద్, జనవరి 7:శాసన మండలికి ఎన్నికైన పది మంది టిఆర్‌ఎస్ సభ్యులు గురువారం ప్రమాణస్వీకారం చేశారు. మండలి చైర్మన్ స్వామిగౌడ్ జూబ్లీ హాలులోని దర్బారు హాలులో మండలి సభ్యులతో ప్రమాణస్వీకారం చేయించారు. ఉప ముఖ్యమంత్రి కడియం శ్రీహరి, మంత్రులు ఈటల రాజేందర్, తుమ్మల నాగేశ్వరరావు,తలసాని శ్రీనివాస్ యాదవ్, మహేందర్‌రెడ్డి, ఎంపి కవిత, ప్రజాప్రతినిధులు, పార్టీ నాయకులు పెద్ద సంఖ్యలో హాజరయ్యారు.

హైదరాబాద్/సైదాబాద్, జనవరి 7: తెలంగాణ జైళ్లలో శిక్ష అనుభవిస్తూ సత్ప్రవర్తన కలిగిన ఖైదీల విడుదలకు ప్రభుత్వం సిద్ధంగా ఉంది. భారత గణతంత్య్ర దినోత్సవం రోజున క్షమాబిక్ష పొందిన దాదాపు 300మంది ఖైదీలను విడుదల చేస్తామని రాష్ట్ర హోం శాఖ మంత్రి నాయిని నర్సింహారెడ్డి తెలిపారు. క్షమాబిక్ష ఖైదీలకు సంబంధించి ప్రభుత్వానికి పూర్తి నివేదికలందాయని, వారి విడుదలకు చర్యలు తీసుకుంటుందని పేర్కొన్నారు.

ఖమ్మం, జనవరి 7: తెలంగాణ రాష్ట్రంలో 70,880 కిలోమీటర్ల పొడవున ఉన్న పంచాయతీరాజ్ రోడ్లను 5,474 కోట్ల రూపాయల నిధులతో అభివృద్ధి చేస్తున్నట్లు ఇంజనీర్ ఇన్ చీఫ్ పంచాయితీరాజ్ ఎం సత్యనారాయణరెడ్డి వెల్లడించారు. గురువారం ఖమ్మం వచ్చిన ఆయన మాట్లాడుతూ రాష్ట్ర ప్రభుత్వం బిటి, మెటల్, మట్టి రోడ్లను అభివృద్ధి చేయడమే లక్ష్యంగా భారీ మొత్తంలో నిధులు కేటాయించిందన్నారు.