హైదరాబాద్: ఈ నెల 29వ తేదీవరకూ టి.అసెంబ్లీ సమావేశాలు జరుగుతాయని, 14న ఆర్థిక మంత్రి ఈటల రాజేందర్ బడ్జెట్‌ను ప్రవేశపెడతారని స్పీకర్ మధుసూదనాచారి ప్రకటించారు. ఈ రోజు అసెంబ్లీ బిఎసీ సమావేశంలో ఈ మేరకు నిర్ణయం తీసుకున్నారు. శని, ఆదివారాల్లోనూ సభ జరుగుతుందని, 15, 23,25 తేదీలను సెలవుదినాలుగా నిర్ణయిస్తూ బిఎసీ సమావేశంలో తీర్మానించారు.

హైదరాబాద్: తెలంగాణ శాసనసభ సమావేశాలు శుక్రవారం ఉదయం ప్రారంభమయ్యాయి. ఇటీవల మరణించిన పాలేరు ఎమ్మెల్యే రాంరెడ్డి వెంకటరెడ్డి మృతికి సంతాపం వ్యక్తం చేస్తూ సిఎం కేసీఆర్‌తో సహా పలువురు నేతలు మాట్లాడారు. అనంతరం సభను శనివారానికి వాయిదా వేస్తున్నట్లు స్పీకర్ మధుసూదనాచారి ప్రకటించారు.

నల్గొండ: అర్వపల్లి మండలం డి.కొత్తపల్లి వద్ద ఓ వ్యవసాయ బావి వద్ద శుక్రవారం ఉదయం శ్రీనివాస్, వినయ్ అనే తండ్రి, కుమారుడు హత్యకు గురైనట్లు స్థానికులు కనుగొన్నారు. సమాచారం అందిన వెంటనే పోలీసులు వచ్చి ఈ ఘటనకు సంబంధించి కారణాలను ఆరా తీస్తున్నారు.

హైదరాబాద్: ఖమ్మం జిల్లా గరిమెళ్లగూడ నర్సరీలో ప్రాజెక్టు డైరెక్టర్‌గా పనిచేస్తున్న సాయిబాబా ఇళ్లలో ఎసిబి అధికారులు శుక్రవారం ఉదయం సోదాలు ప్రారంభించారు. ఈయన 30వేల రూపాయలు లంచంగా తీసుకుంటూ గురువారం ఎసిబి అధికారులకు పట్టుబడ్డాడు. భారీగా అక్రమాస్తులున్నట్లు సమాచారం అందడంతో రాజేంద్రనగర్ రాధాకృష్ణ కాలనీతో పాటు ఇతర ప్రాంతాల్లో ఆయనకు ఉన్న ఇళ్లపై సోదాలు జరుపుతున్నారు.