హైదరాబాద్, మార్చి 31: ప్రభుత్వ జీవోల వెబ్‌సైట్‌ను మూడు వారాల్లోగా పునరుద్దరిస్తామని తెలంగాణ ప్రభుత్వం హైకోర్టుకు తెలిపింది. ప్రజలు ఈ వెబ్‌సైట్‌ను సందర్శించేందుకు వీలుగా అన్ని విధాల పొందుపరుస్తామని వెల్లడించింది. హైకోర్టు న్యాయమూర్తి జస్టిస్ పి.వి.సంజయ్ కుమార్‌కు తెలంగాణ ప్రభుత్వం తరఫు న్యాయవాది నజీబ్ ఖాన్ వివరణ ఇస్తూ ఈ విషయాన్ని తెలియజేశారు.

హైదరాబాద్, మార్చి 31: నీటిపారుదల ప్రాజెక్టుల్లో పాత వాటిని (పెండింగ్) రెండేళ్ళలో, కొత్త వాటిని ఐదేళ్లలో ఎట్టి పరిస్థితులలో పూర్తి చేసి తీరుతామని ముఖ్యమంత్రి కె చంద్రశేఖర్ రావు ప్రకటించారు. ప్రాజెక్టుల నిర్మాణంలో ప్రాణాలు పోయినా అవినీతికి తావులేకుండా పారదర్శకంగా నిర్మిస్తామని ముఖ్యమంత్రి స్పష్టం చేశారు.

హైదరాబాద్, మార్చి 31: రైతుల రుణవిముక్తి బిల్లును గురువారం శాసనసభ ఏకగ్రీవంగా ఆమోదించింది. రెవెన్యూ మంత్రి, ఉప ముఖ్యమంత్రి మహమూద్ అలీ బిల్లును ప్రవేశపెట్టారు. బ్యాంకుల నుంచి రుణాలు లభించక రైతులు ప్రైవేటు వ్యక్తుల నుంచి అప్పు తీసుకున్నప్పుడు వారి ఆస్తులు రాయించుకోవడం వంటి సంఘటనలు నివారించేందుకు రుణవిముక్తి చట్టం తీసుకు వచ్చారు.

నిజామాబాద్, మార్చి 31: కరవు ఛాయలు దట్టంగా అలుముకుని ఉన్న నిజామాబాద్ జిల్లాలో రెండు రోజుల పర్యటన కోసం ముఖ్యమంత్రి కె.చంద్రశేఖర్‌రావు శుక్రవారం రానున్నారు. అభివృద్ధి పనుల ప్రారంభోత్సవాలు, శంకుస్థాపనలు వంటి కార్యక్రమాలేవీ పెట్టుకోకుండా, ఇదివరకు మూడు పర్యాయాలు జరిగిన పర్యటనలకు భిన్నంగా ఈసారి సిఎం పర్యటన షెడ్యూల్‌ను రూపొందించారు.