కరీంనగర్: దండేపల్లి మండలం కనే్నపల్లి వద్ద సోమవారం ఉదయం టిప్పర్‌ను బైక్ ఢీకొనడంతో ఇద్దరు యువకులు అక్కడికక్కడే మరణించారు. బైక్ అదుపుతప్పడం వల్లే ఈ ప్రమాదం జరిగిందని పోలీసులు తెలిపారు.

హైదరాబాద్, ఏప్రిల్ 24:రాష్ట్రంలో గతంలో ఎప్పుడూ లేని స్థాయిలో మండుతున్న ఎండలు, మంచినీటి కొరత, కరవు విలయ తాండవంపై ముఖ్యమంత్రి కల్వకుంట్ల చంద్రశేఖర్‌రావు జిల్లా కలెక్టర్లతో ఈనెల 29న మర్రి చెన్నారెడ్డి మానవ వనరుల అభివృద్ధి కేంద్రంలో సమీక్ష జరుపుతారు. గోదావరి జలాలను సకాలంలో తీసుకు రావడంతో హైదరాబాద్‌లో నీటి కొరతను కొంత వరకు తీర్చినా, గ్రామాల్లో మాత్రం మంచినీటి సమస్య చాలా ఉంది.

హైదరాబాద్, ఏప్రిల్ 24: రాష్ట్రంలో ప్రతిపక్ష పార్టీలన్నీ ఏకమైనా పాలేరు ఉప ఎన్నికల్లో టిఆర్‌ఎస్ విజయాన్ని ఆపడం ఎవరితరం కాదని పాలేరు ఎన్నికల ఇంచార్జి, మంత్రి కె తారక రామారావు అన్నారు. రాష్ట్రంలో టిఆర్‌ఎస్ అధికార పగ్గాలు చేపట్టిన తర్వాత కొనసాగుతున్న విజయపరంపర పాలేరులో కూడా పునరావృతం అవుతుందని ఆయన అన్నారు.

వికారాబాద్, ఏప్రిల్ 24: రంగారెడ్డి జిల్లా వికారాబాద్ పట్టణ సమీపంలో ఆదివారం సాయంత్రం ఘోర రోడ్డు ప్రమాదం జరిగింది. వికారాబాద్ నుండి హైదరాబాద్ వెళ్తున్న తాండూర్ డిపోకు చెందిన టిఎస్ 07ఎ 5288 ఎక్స్‌ప్రెస్ బస్సును వికారాబాద్ వైపు నుంచి వస్తున్న టిప్పర్ ఎపి 22 డబ్ల్యు 5243 టిప్పర్ ఢీకొంది. ఈ ఘటనలో ముగ్గురు అక్కడిక్కడే మృతిచెందగా, ఆరుగురికి తీవ్రగాయాలు కాగా మరో 24 మంది స్వల్పంగా గాయపడ్డారు.