S ,7 à 8 RSCA (si SASPAS) et 6 cialis pharmacie cialis rapports de stage.

తెలంగాణ

02/23/2016 - 07:07

హైదరాబాద్: ప్రతి శాసనసభా నియోజకవర్గం కేంద్రంలో ఎమ్మెల్యేలకు కార్యాలయాలు నిర్మించాలని సిఎం కె చంద్రశేఖర్‌రావు ఆదేశించారు. వీటిని ఏడాదిలో పూర్తి చేసేలా కార్యాచరణ సిద్ధం చేయాలని అధికారులను ఆదేశించారు. బడ్జెట్ ప్రతిపాదనలపై సమీక్షలో భాగంగా క్యాంపు కార్యాలయంలో సోమవారం రోడ్లు, భవనాలశాఖ అధికారులతో సమీక్ష జరిపారు.

02/22/2016 - 18:26

హైదరాబాద్: హైదరాబాద్ మహానగర పాలక సంస్థ పరిధిలో ఆస్తిపన్నుపై వడ్డీని మాఫీ చేస్తున్నట్లు తెలంగాణ ప్రభుత్వం సోమవారం ఉత్తర్వులు జారీ చేసింది. దీంతో 6.20 లక్షల మందికి ప్రయోజనం కలుగుతుంది. కాగా, ఆస్తిపన్ను చెల్లించేందుకు గతంలో కొందరు గృహయజమానులు ఇచ్చిన చెక్కులు బౌన్స్ అయ్యాయని, అలాంటి వారిపై చట్టరీత్యా చర్యలు తప్పవని మేయర్ బొంతు రామ్మోహన్ తెలిపారు.

02/22/2016 - 16:06

హైదరాబాద్: హైదరాబాద్ ఆర్మ్‌డ్ రిజర్వు విభాగంలో కానిస్టేబుల్‌గా పనిచేస్తున్న రమణప్రసాద్ ఇక్కడి అల్వాల్ అయ్యప్పనగర్‌లోని తన ఇంట్లో సీలింగ్ ఫ్యాన్‌కు ఉరివేసుకుని ఆత్మహత్య చేసుకున్నట్లు సోమవారం ఉదయం స్థానికులు కనుగొన్నారు. సమాచారం తెలిశాక పోలీసులు మృతదేహాన్ని స్వాధీనం చేసుకుని పోస్టుమార్టంకు తరలించారు. రమణప్రసాద్ ఆత్మహత్యకు కారణాలేమిటన్న అంశంపై పోలీసులు విచారిస్తున్నారు.

02/22/2016 - 16:05

హైదరాబాద్: వరంగల్, ఖమ్మం నగరపాలక సంస్థలతో పాటు అచ్చంపేట మున్సిపల్ కౌన్సిల్‌కు ఎన్నికల సందర్భంగా సోమవారం నామినేషన్ల ప్రక్రియ ప్రారంభమైంది. తొలిరోజు మధ్యాహ్నానికి వరంగల్, ఖమ్మంలో చెరో నామినేషన్ దాఖలయ్యాయి. 25 వరకూ నామినేషన్లను స్వీకరిస్తారు. మార్చి 6న పోలింగ్, 9న కౌంటింగ్ జరుగుతుంది.

02/22/2016 - 16:04

హైదరాబాద్: ఆర్ అండ్ బి శాఖ ఆధ్వర్యంలో రహదారి నిర్మాణం పనులు నాణ్యతతో ఉండాలని, అవి భావితరాలకు ఉపయోగపడేలా అధికారులు శ్రద్ధ వహించాలని తెలంగాణ సిఎం కెసిఆర్ అన్నారు. ఆర్ అండ్ బి శాఖకు బడ్జెట్‌లో నిధుల కేటాయింపుపై ఆయన సోమవారం ఉన్నతాధికారులతో సచివాలయంలో సమీక్ష జరిపారు. గ్రామాల నుంచి జిల్లా కేంద్రాలకు, జిల్లా కేంద్రాల నుంచి రాష్ట్ర రాజధానికి సరైన రీతిలో రహదారులను నిర్మించాలన్నారు.

02/22/2016 - 14:10

మెదక్: ఆరేళ్ల బాలికపై వ్యాయామ ఉపాధ్యాయుడు లైంగిక దాడికి పాల్పడ్డాడని తెలియడంతో విద్యార్థులు, గ్రామస్థులు పాఠశాలలో విధ్వంసానికి దిగిన ఘటన మెదక్ జిల్లా మిరుదొడ్డి మండలం అక్బర్‌పేటలో సోమవారం జరిగింది. స్థానికుల కథనం మేరకు- సోమవారం ఉదయం గ్రామంలోని ఓ ప్రైవేటు స్కూల్‌లో ఆరేళ్ల బాలికను వ్యాయామ ఉపాధ్యాయుడు కుమార్ ఓ గదిలోకి తీసుకుపోయి లైంగిక దాడికి పాల్పడ్డాడు.

02/22/2016 - 14:08

నల్గొండ: ప్రేమిస్తున్నానంటూ ఓ ఆకతాయి నిత్యం వేధింపులకు దిగడంతో టెన్త్ విద్యార్థిని ఆత్మహత్య చేసుకున్న ఘటన నల్గొండ జిల్లా వేములపల్లి మండలం చెట్టిపాలెంలో సోమవారం జరిగింది. గ్రామానికి చెందిన వేణు అనే యువకుడు ప్రేమపేరుతో వేధిస్తున్నందువల్లే భార్గవి అనే విద్యార్థిని ఒంటిపై కిరోసిన్ పోసుకుని నిప్పంటించకుని ఆత్మహత్య చేసుకుందని ఆమె బంధువులు ఆరోపిస్తున్నారు.

02/22/2016 - 12:06

హైదరాబాద్ ‌: అమీర్‌పేట్‌ గురుద్వార్‌ దగ్గర ఓ షాపులో సోమవారం అగ్నిప్రమాదం జరిగింది. చెత్తకు నిప్పుపెట్టడంతో మంటలు చెలరేగినట్లు తెలుస్తోంది. వెంటనే అగ్నిమాపక సిబ్బంది అక్కడకు చేరుకుని మంటలను అదుపు చేశారు.

02/22/2016 - 12:04

నల్గొండ: నల్గొండ జిల్లా హుజూర్‌నగర్‌లోని చైతన్య స్కూల్‌ విద్యార్థి నాగార్జున రెడ్డి ఈ రోజు తెల్లవారుజామున మృతి చెందాడు. తోటి విద్యార్థులు వేధిస్తున్నారంటూ సూసైడ్ నోట్ రాసి పాఠశాల నుంచి వెళ్లిపోయిన నాగార్జున క్రిష్ణా జిల్లాలో గాలిన గాయాలతో పోలీసులకు దొరికాడు.

02/22/2016 - 11:58

నల్గొండ: ఏడు ఎకరాల్లో వేసిన పత్తిపంట ఎండిపోగా, 4 లక్షల మేరకు అప్పుల పాలవడంతో మనస్తాపానికి గురైన ఓ రైతు ఆత్మహత్య చేసుకున్న ఘటన సోమవారం వెలుగుచూసింది. రాజపేట మండలం కొండారెడ్డిగూడెంలో వ్యవసాయ బావి వద్ద చెట్టుకు ఉరి వేసుకున్న కనకయ్య అనే రైతు మృతదేహాన్ని స్థానికులు సోమవారం ఉదయం గుర్తించారు.

Pages