హైదరాబాద్, మే 9: ఒకటి కాదు, రెండు కాదు కొన్ని సంవత్సరాలుగా వివిధ ప్రభుత్వ శాఖల నుంచి వివరాణాత్మక నివేదికలు అసెంబ్లీ పబ్లిక్ అకౌంట్స్ కమిటీ (పిఎసి)కి చేరడం లేదు. పిఎసి చైర్‌పర్సన్‌గా కొత్తగా బాధ్యతలు స్వీకరించిన జె.గీతారెడ్డి సోమవారం విస్తుపోయారు. అయితే భవిష్యత్తులో ఇలాంటివి పునరావృతం కాకుండా చర్యలు తీసుకుంటానని ప్రభుత్వ ప్రధాన కార్యదర్శి రాజీవ్ శర్మ ఆమెకు హామీ ఇచ్చారు.

హైదరాబాద్, మే 9: తెలంగాణ రాష్ట్రంలో ఖరీఫ్ సీజన్‌లో రైతులకు ఇవ్వాల్సిన విత్తనాల సబ్సిడీని ప్రభుత్వం ఖరారు చేసింది. ఈ మేరకు వ్యవసాయ శాఖ కార్యదర్శి సి.పార్థసారథి పేరుతో సోమవారం ఉత్తర్వులు జారీ అయ్యాయి. అన్ని మండల కేంద్రాల్లో విత్తనాలను రైతులకు అందుబాటులో ఉంచాలని ఆదేశించారు.

హైదరాబాద్, మే 9: తెలంగాణ ప్రభుత్వం ప్రతిష్ఠాత్మకంగా నిర్మించ తలపెట్టిన కమాండ్, కంట్రోల్ సెంటర్ జంట టవర్ల నిర్మాణంపై యథాతథ స్థితిని కొనసాగించాలని హైకోర్టు ప్రభుత్వాన్ని ఆదేశించింది. సింగిల్ జడ్జి ఇచ్చిన స్టే ఉత్తర్వులను కొట్టివేయాలని కోరుతూ మీర్ అఫ్సర్ అలీ, మరో 16 మంది దాఖలు చేసిన అప్పీల్‌ను విచారణకు స్వీకరించిన హైకోర్టు ఈ ఉత్తర్వులు జారీ చేసింది.

హైదరాబాద్, మే 9: తెలంగాణ ప్రభుత్వం దేశంలోనే తొలిసారిగా అంధులైన ప్రభుత్వ ఉద్యోగులకు ప్రత్యేక శిక్షణా కార్యక్రమాన్ని చేపట్టిందని, ఇది దేశానికే ఆదర్శంగా ఉంటుందని హైదరాబాద్‌లోని డాక్టర్ మర్రిచెన్నారెడ్డి మానవ వనరుల అభివృద్ధి సంస్థ డైరెక్టర్-జనరల్ వినోద్ కుమార్ అగ్రవాల్ పేర్కొన్నారు. ఈ శిక్షణా కార్యక్రమం రెండు నెలల పాటు కొనసాగుతుందని తెలిపారు.