హైదరాబాద్, మే 12: తెలంగాణ ప్రయోజనాలకు సమాధి కట్టాలనుకుంటున్న కాంగ్రెస్, టిడిపి, కమ్యూనిస్టుల పార్టీలకు పాలేరు ఎన్నికల్లో ప్రజలు తగిన గుణపాఠం చెప్పాలని మంత్రి కె తారకరామారావు పిలుపునిచ్చారు. తెలంగాణ ఆత్మగౌరవాన్ని చాటుకోవడానికి పాలేరు ఉప ఎన్నికలను వేదికగా చేసుకోవాలని మంత్రి సూచించారు. పాలేరు ఉప ఎన్నికల నేపథ్యంలో ప్రజలను ఉద్దేశించి మంత్రి బహిరంగ లేఖ విడుదల చేశారు.

హైదరాబాద్, మే 12: కుత్బుల్లాపూర్ ఎమ్మెల్యే కె.వివేకానంద కుటుంబీకులకు చెందిన వాణిజ్య భవనాన్ని కూల్చివేయకుండా స్టే ఇవ్వాలన్న అభ్యర్థనను హైకోర్టు వేసవి బెంచ్ తిరస్కరించింది. సింగిల్ జడ్జి ఇచ్చిన భవన కూల్చివేత ఉత్తర్వులను నిలిపి వేస్తూ స్టే మంజూరు చేయాలని ఎమ్మెల్యే కుటుంబీకులు, ఆ భవనంలో ఉన్న నారాయణ కళాశాల దాఖలు చేసుకున్న పిటిషన్‌ను తిరస్కరించింది.

హైదరాబాద్: నకిలీ సర్ట్ఫికెట్లను విక్రయిస్తూ యువతను వంచిస్తున్న ఓ ముఠాకు చెందిన ముగ్గురు నిందితులను హైదరాబాద్‌లో గురువారం పోలీసులు అరెస్టు చేశారు. వివిధ వర్సిటీలకు చెందిన 136 డిగ్రీ సర్ట్ఫికెట్లు, రబ్బరు స్టాంపులు, కంప్యూటర్లను వీరి నుంచి స్వాధీనం చేసుకున్నారు.

ఖమ్మం: పాలేరు ఉపఎన్నికను సాకుగా చూపించి తెరాస మంత్రులు, నాయకులు కోట్లాది రూపాయల మేరకు వసూళ్లు చేస్తున్నట్లు టి.టిడిపి నాయకుడు రేవంత్ రెడ్డి ఆరోపించారు. ఆయన గురువారం ఇక్కడ మీడియాతో మాట్లాడుతూ, కాంట్రాక్టర్ల నుంచి కోట్లలో డబ్బు వసూలు చేస్తున్న తెరాస నాయకులను ప్రజలే నిలదీయాలన్నారు. ఇతర రాష్ట్రాలకు చెందిన కాంట్రాక్టర్లకు ఇరిగేషన్ ప్రాజెక్టులను అప్పగించి ముడుపులు దండుకుంటున్నారని ఆరోపించారు.