S ,7 à 8 RSCA (si SASPAS) et 6 cialis pharmacie cialis rapports de stage.

తెలంగాణ

02/24/2016 - 18:12

నిజామాబాద్: జక్రాన్‌పల్లి వద్ద జాతీయ రహదారిపై బుధవారం మధ్యాహ్నం ఓ కారు అదుపుతప్పి బోల్తాపడి దంపతులు మరణించారు. మృతులను డిచ్‌పల్లి మండలం గన్నారం గ్రామానికి చెందిన రవి,రమ్యలుగా బంధువులు గుర్తించారని పోలీసులు తెలిపారు.

02/24/2016 - 15:47

హైదరాబాద్: తెలంగాణలో వచ్చే మే2న ఎంసెట్ నిర్వహించాలని ప్రభుత్వం నిర్ణయించింది. గురువారం దీనికి సంబంధించి నోటిఫికేషన్ విడుదలవుతుంది. ఈ నెల 28 నుంచి అభ్యర్థులు దరఖాస్తు చేసుకోవచ్చు. ఏప్రిల్ 24 నుంచి హాల్ టిక్కెట్లను డౌన్‌లోడ్ చేసుకోవచ్చు. తొలిసారిగా అభ్యర్థులకు ఓఎంఆర్ కాపీలను అందజేస్తారు. మే2న ఎంట్రెన్స్ నిర్వహించి అదే నెల 12న ఫలితాలు విడుదల చేస్తారు.

02/24/2016 - 13:37

నల్గొండ: చోరీ కేసుకు సంబంధించి పోలీసులు తనను వేధిస్తున్నారని మనస్తాపానికి గురైన ఓ మహిళ ఆత్మహత్యకు యత్నించిన ఘటన నల్గొండ జిల్లా తుంగతుర్తి పోలీస్ స్టేషన్ ఎదుట బుధవారం జరిగింది. పురుగుల మందు తాగిన ఆమెను వెంటనే ఆస్పత్రికి తరలించారు. ఆమె ఆరోగ్య పరిస్థితి విషమంగా ఉందంటున్నారు.

02/24/2016 - 13:36

కరీంనగర్: కరీంనగర్ జిల్లా పెద్దపల్లి తెరాస ఎంపీ బాల్కసుమన్ సోదరి వివాహానికి హాజరయ్యేందుకు తెలంగాణ సిఎం కెసిఆర్ బుధవారం మెట్‌పల్లి వచ్చారు. వధూవరులను ఆశీర్వదించి శుభాకాంక్షలు అందజేశారు.

02/24/2016 - 12:03

కరీంనగర్: తెలంగాణ సి.ఎం. కెసిఆర్‌ను చంపేస్తామంటూ కోరుట్ల ఎమ్మెల్యే విద్యాసాగరరావుకు ఓ ఆగంతకుడి నుంచి బెదిరింపు ఫోన్‌కాల్ రావడంతో పోలీసులు ముమ్మరంగా దర్యాప్తు చేస్తున్నారు. మంగళవారం రాత్రి ఓ ఆగంతకుడి నుంచి వచ్చిన ఈ బెదిరింపు కాల్‌ను ఇంటర్నెట్ కాల్‌గా గుర్తించారు. ఈ రోజు కరీంనగర్ జిల్లాలో కెసిఆర్ పర్యటిస్తున్నందున పోలీసులు భద్రతను కట్టుదిట్టం చేశారు.

02/24/2016 - 12:01

మహబూబ్‌నగర్: అచ్చంపేటలో పోలీసులు బుధవారం ఇద్దరు దొంగలను అరెస్టు చేసి ఆరు తులాల బంగారం, పద్దెనిమిది తులాల వెండి, సెల్‌ఫోన్లు, కొంత నగదును స్వాధీనం చేసుకున్నారు.

02/24/2016 - 12:00

హైదరాబాద్: తాను బిజెపిలో చేరబోతున్నట్లు సోషల్ మీడియాలో వస్తున్న వార్తల్లో ఏ మాత్రం నిజం లేదని కాంగ్రెస్ ఎం.పి., సినీనటుడు చిరంజీవి స్పష్టం చేశారు. ఫిల్మ్‌నగర్ దైవ సన్నిధానంలో విగ్రహ ప్రతిష్ఠాపన సందర్భంగా బుధవారం హాజరైన ఆయన మీడియాతో కాసేపు మాట్లాడారు. రాజకీయాల్లో ఉన్నంతకాలం కాంగ్రెస్‌లోనే ఉంటానని అన్నారు. వాట్సప్, సోషల్ మీడియాలో తనపై ఎందుకు దుష్ప్రచారం జరుగుతుందో తెలియడం లేదన్నారు.

02/24/2016 - 06:40

వేములవాడ: శృంగేరీ పీఠాధిపతి ఆశీస్సులతో త్వరలో 100 కోట్లతో ఆలయంతో పాటు పట్టణ అభివృద్ధి పనులను చేపడతామని ‘వాడా’ వైస్‌చైర్మన్, సిఇవో ముద్దసాని పురుషోత్తంరెడ్డి తెలిపారు. వైస్‌చైర్మన్‌గా చార్జ్ తీసుకున్న అనంతరం తొలిసారి మంగళవారం వేములవాడ రాజన్న కోవెలను సందర్శించి పూజలు గావించుకున్న అనంతరం ఎమ్మెల్యే రమేశ్‌బాబు, ఇవో ఇతర శాఖ అధికారులతో కలసి ఆలయ చెరువు కట్ట మాస్టర్‌ప్లాన్‌ను పరిశీలించారు.

02/24/2016 - 06:36

హైదరాబాద్: నగర శివారులోని జవహర్‌నగర్ డంపింగ్ యార్డులో నోట్ల కట్టలు ఉన్న బ్యాగ్ లభ్యమైన ఘటన కలకలం సృష్టించింది. మంగళవారం ఉదయం ఆర్డీఎఫ్ ఇన్‌చార్జి గురువారెడ్డి చెత్తను కటింగ్ చేస్తుండగా ఓ ఎరుపు రంగు ట్రావెల్ బ్యాగ్‌ను గుర్తించాడు. దాన్ని తెరచి చూడగా వెయ్యి రూపాయల నోట్ల కట్టలు కనిపించాయి. ఒక్కసారిగా ఖంగుతిన్న గురువారెడ్డి ఆ బ్యాగును డంపింగ్ యార్డు ఇన్‌చార్జి కోటేశ్వరరావుకు అందజేశాడు.

02/24/2016 - 06:34

మహబూబ్‌నగర్, ఫిబ్రవరి 23: గత నాలుగు నెలల నుండి కృష్ణానది ప్రవాహం పూర్తిగా నిలిచిపోవడంతో ప్రస్తుతం కర్ణాటక, తెలంగాణ సరిహద్దులో నది రాళ్లతో దర్శనమిస్తోంది. ఇటు తెలంగాణ రైతులు, అటు కర్ణాటకకు చెందిన రైతులు నదితీర ప్రాంతాలలో వరి పంటలను సాగు చేసుకున్నారు. కానీ దురదృష్టవశాత్తు నదిలో నీటి ప్రవాహం లేకపోవడం రైతాంగాన్ని తీవ్ర మనస్తాపానికి గురిచేస్తోంది.

Pages