హైదరాబాద్/ నల్లగొండ, జూన్ 5: అసలే కష్టకాలంలో ఉన్న కాంగ్రెస్‌లో ఎమ్మెల్యే కోమటిరెడ్డి వెంకట్‌రెడ్డి చేసిన వ్యాఖ్యలు పార్టీ నేతలను, కార్యకర్తలను మరింత కృంగతీస్తోంది. టి.పిసిసి మాజీ అధ్యక్షుడు పొన్నాల లక్ష్మయ్య కంటే ప్రస్తుత అధ్యక్షుడు ఉత్తమ్‌కుమార్ రెడ్డి మరింత వీక్, వేస్ట్ అని వ్యాఖ్యానించిన కోమటిరెడ్డికి పార్టీ రాష్ట్ర నాయకత్వం షోకాజ్ నోటీసు పంపించింది.

హైదరాబాద్, జూన్ 5: తెలంగాణవ్యాప్తంగా సోమవారం నుంచి కోర్టుల్లో విధులు బహిష్కరించాలని తెలంగాణ న్యాయవాదుల జెఏసి నిర్ణయించింది. ఆంధ్ర న్యాయాధికారులను తెలంగాణకు కేటాయించడాన్ని నిరసిస్తూ వారంపాటు కోర్టుల బహిష్కరణకు పిలుపునిచ్చారు. 13న చలో హైకోర్టు నిర్వహిస్తారు. న్యాయవాదులకు మద్దతుగా నల్ల బ్యాడ్జీలు ధరించి ఉద్యోగులు విధులు నిర్వహిస్తారు.

జగిత్యాల టౌన్, జూన్ 4: ఓ పాత ఇనుప సామాను దుకాణంలో రాగి వైర్ దొంగలించారనే ఆరోపణతో ముగ్గురు బాలలను దుకాణం యజమాని స్తంభానికి కట్టేసి విచక్షణారహితంగా చితికబాదాడు. ఈ సంఘటన సంఘటన కరీంనగర్ జిల్లా జగిత్యాల పట్టణంలోని శనివారం జరిగింది. పోలీసుల కథనం ప్రకారం వివరాలు ఈ విధంగా ఉన్నాయి. కొత్తబస్టాండ్ ప్రాంతంలో గల ఓ పాత ఇనుప సామాను దుకాణంలో విబుది మారెమ్మ అనే మహిళ పనిచేస్తూ జీవనోపాధి సాగిస్తుంది.

భిక్కనూరు, జూన్ 4: ‘ఎమ్మెల్యే అంటే తెలియని వాడివి... ఎందుకు పెట్టుకున్నావో వాడిని ...నా ముందుకు పిలిపించు.. వాడు ఎంతటివాడు... తక్షణమే వాడిని పనిలో నుండి తొలగించు’ అంటూ ప్రభుత్వ విప్, నిజామాబాద్ జిల్లా కామారెడ్డి ఎమ్మెల్యే గంప గోవర్ధన్ తీవ్ర స్థాయిలో టోల్‌ప్లాజా నిర్వాహకులపై ఆగ్రహం వ్యక్తం చేశారు.