హైదరాబాద్, మార్చి 15: రాష్ట్ర అసెంబ్లీ ఆదివారం నాలుగు బిల్లులను ఆమోదించింది. తెలంగాణ వస్తువులు సేవల పన్ను సవరణ బిల్లు, తెలంగాణ మహిళ స్వయం సహాయక బృందాల సహ వాటా పించన్ రద్దు బిల్లు, తెలంగాణ లోకాయుక్త సవరణ బిల్లు, తెలంగాణ జీతాలు, పించను చెల్లింపు, అనర్హతల తొలగింపు సవరణ బిల్లులను రాష్ట్ర అసెంబ్లీ ఏకగ్రీవంగా ఆమోదించింది.

హైదరాబాద్, మార్చి 15: సోషల్ మీడియాలో కరోనా పోస్టులు, స్టేటస్‌లపై తెలంగాణ పోలీసులు నిఘాను ముమ్మరం చేశారు. లేనిపోని పుకార్లు పుట్టిస్తే కఠిన చర్యలు తీసుకుంటామని హైదరాబాద్ నగర పోలీస్ కమిషనర్ అంజనీ కుమార్ హెచ్చరించారు. కోరోనాపై దుష్ప్రచారం చేస్తే ఏడాది జైలు శిక్ష విధిస్తామని సీపీ చెప్పారు. దేశ వ్యాప్తంగా కరోనా కేసులు పెరుగుతుండటంతో కేంద్ర ప్రభుత్వం అప్రమత్తం అయ్యింది.

హైదరాబాద్, మార్చి 15: కేంద్ర ప్రభుత్వ జన శిక్షణా సంస్థ తెలంగాణ రాష్ట్ర చైర్మన్‌గా ఆర్.ప్రకాష్‌గౌడ్ నియమితులయ్యారు. కేంద్ర నైపుణ్యాభివృద్ధి, వ్యవస్థాపక శాఖ గౌడ్‌ను నియమిస్తూ ఆదేశాలు జారీ చేసినట్లు ఐఎన్‌టీయూసీ ఆదివారం ఒక ప్రకటనలో పేర్కొంది. గత 47 సంవత్సరాలుగా ప్రజలు, కార్మిక సమస్యలపై పోరాడుతున్న గౌడ్ ప్రస్తుతం ఐఎన్‌టీయూసీ రాష్ట్ర ఉపాధ్యక్షులుగా పనిచేస్తున్నారు.

హైదరాబాద్, మార్చి 15: వివిధ పద్దులకు శాసనసభ ఆదివారం ఆమోదం తెలిపింది.