హైదరాబాద్ : సాగునీటి పనుల్లో అధికారులు జాప్యం చూపొద్దని, సత్వరమే పనులు పూర్తి చేయాలని తెలంగాణ ముఖ్యమంత్రి కేసీఆర్ అధికారులను ఆదేశించారు. ఆయన బుధవారంనాడు వాటర్‌గ్రిడ్ పనులపై అధికారులతో సమీక్ష నిర్వహించారు. ఈ సందర్భంగా కేసీఆర్ మాట్లాడుతూ ఇంటింటికి మంచినీరు అందించకుంటే ఓట్లు అడగమని ప్రభుత్వం హామీ ఇచ్చిందని, కాబట్టి అధికారులు వాటర్‌గ్రిడ్ పనులను వేగవంతం చేయాలని అన్నారు.

నల్గొండ: నడిగూడెం మండలం రత్తారం వద్ద సాగర్‌ ఎడమకాల్వకు గండి పడింది. దీంతో 200 ఎకరాల్లోని పంట నీట మునిగింది. ఎడమకాల్వకు పడిన గండిని యుద్ధప్రాతిపదికన పూడ్చేందుకు అధికారులు చర్యలు చేపట్టారు.

హైదరాబాద్‌ : వరంగల్‌ ఎంపీగా భారీ మెజార్టీతో గెలుపొందిన పసునూరి దయాకర్‌ బుధవారం ఉదయం హైదరాబాద్‌లోని క్యాంపు కార్యాలయంలో తెలంగాణ ముఖ్యమంత్రి కేసీఆర్‌ను కలిశారు. దయాకర్‌తో పాటు వరంగల్‌ జిల్లా ముఖ్యనేతలు, ప్రచారంలో పాల్గొన్న మంత్రులు సీఎంను కలిసిన వారిలో ఉన్నారు.

ఫలితాలపై కాంగ్రెస్, బిజెపిల అంతర్మథనం
ఓటమిని జీర్ణించుకోలేని వామపక్షాలు
వరంగల్‌లో వైఎస్సార్‌సిపికి నో ఎంట్రీ