మెదక్ : విశ్వక్షేమం కోసమే అయుత చండీయాగం నిర్వహిస్తున్నట్లు ఆ రాష్ట్ర ముఖ్యమంత్రి కేసీఆర్ తెలిపారు. శుక్రవారం మెదక్ జిల్లా జగదేవ్ పూర్ మండలం ఎర్రవల్లిలోని తన వ్యవసాయ క్షేత్రంలో చండీయాగం కోసం చేపట్టిన పనులను కేసీఆర్ పరిశీలించారు. అనంతరం కేసీఆర్ విలేకర్లతో మాట్లాడుతూ... అయుత చండీయాగం డిసెంబర్ 23 నుంచి 27వ తేదీ వరకు నిర్వహిస్తున్నట్లు వెల్లడించారు.

హైదరాబాద్: శుక్రవారం నిర్వహించిన మెట్రో ట్రెయిన్ ట్రయల్ రన్‌లో ప్రయాణికులతో కలిసి మంత్రులు కూడా ప్రయాణించారు. డిప్యూటీ సీఎం మహమూద్ ఆలీ, మంత్రులు కేటీఆర్, తలసాని శ్రీనివాస్ యాదవ్,పద్మారావు తదితరులు రైలులో ప్రయాణించారు. అంతకు ముందు ఎల్ అండ్ టీ అధికారులు వారికి ఘనస్వాగతం పలికారు. రైల్వే స్టేషన్‌లో అత్యాధునికి వ్యవస్తను పరిశీలించిన అనంతరం మంత్రులు రైలులో ప్రయాణించారు.

హైదరాబాద్‌: తెలుగుతల్లి ఫ్లైఓవర్‌ వద్ద ఉన్న అంబేద్కర్ విగ్రహానికి శుక్రవారం ఉదయం వైకాపా అధినేత జగన్‌ పాలాభిషేకం చేశారు. అంబేద్కర్ పట్ల ఆంధ్రప్రదేశ్‌ ప్రభుత్వ వైఖరిని నిరసిస్తూ పాలాభిషేకం నిర్వహించారు.

విజయవాడ : వేతనాలు పెంచాలని కోరుతూ శుక్రవారం చలో విజయవాడ పిలుపు మేరకు పలు జిల్లాల నుండి బెజవాడకు చేరుకున్న అంగన్ వాడీలపై పోలీసులు జులుం ప్రదర్శించారు. తుమ్మలపల్లి కళాక్షేత్రం నుండి సీఎం క్యాంపు కార్యాలయానికి ర్యాలీ నిర్వహించారు. మహాత్మాగాంధీ రోడ్డు వద్ద పోలీసులు ర్యాలీని అడ్డుకున్నారు. దీనితో ఆ ప్రాంతం మొత్తం రణరంగంగా మారిపోయింది.