హైదరాబాద్, డిసెంబర్ 20: కృష్ణా నదిలో శ్రీశైలం, నాగార్జునసాగర్ రిజర్వాయర్లలో నీరు అడగంటి డెడ్ స్టోరేజికి చేరుకోవడంతో వచ్చే వేసవిలో కృష్ణా, గుంటూరు, ప్రకాశం జిల్లాల్లో తీవ్రమైన నీటి ఎద్దడి తలెత్తే ప్రమాదం ఉందని, ముందస్తు చర్యలు తీసుకోవాలని రాష్ట్రప్రభుత్వం జిల్లా కలెక్టర్లను ఆదేశించింది. శ్రీశైలంలో ప్రస్తుతం 30 టిఎంసి నీరు మాత్రమే అందుబాటులో ఉంది.

విజయవాడ, డిసెంబర్ 20: మరో మూడురోజుల్లో అమరావతి మాస్టర్ ప్లాన్, ఈనెల 29లోగా రాజధాని డ్రాఫ్ట్ ప్లాన్ సిద్ధమవుతాయని రాష్ట్ర పురపాలక మంత్రి పి నారాయణ వెల్లడించారు. ఆదివారం సాయంత్రం ఇక్కడ తనను కలిసిన మీడియా ప్రతినిధులతో మాట్లాడుతూ డ్రాఫ్ట్ మాస్టర్ ప్లాన్ నోటిఫై చేసిన తరువాత సిఆర్‌డిఏ చట్టం సెక్షన్ 10(1) ప్రకారం నెల రోజుల పాటు రైతుల అభ్యంతరాలకు సమయం కేటాయిస్తామన్నారు.

హైదరాబాద్, డిసెంబర్ 20: విజయవాడలో కాల్‌మనీ సెక్స్ రాకెట్ సంఘటనలు మానవ హక్కుల ఉల్లంఘనగా భావించి హైకోర్టు సిటింగ్ జడ్జితో విచారణ జరిపించేలా ఆదేశాలివ్వాలని రాష్టప్రతి ప్రణబ్ ముఖర్జీని వైకాపా అధినేత, ప్రతిపక్షనేత వైఎస్ జగన్మోహన్ రెడ్డి కోరారు.

ముసునూరు, డిసెంబర్ 19: తనకున్న పొలంలో వరుసగా మూడు బోర్లు వేసినా నీరు పడకపోవడంతో పంటలు పండక, బోర్లు వేసేందుకు చేసిన అప్పులు తీర్చలేక ఒక యువరైతు ఆత్మహత్యకు పాల్పడ్డాడు. ఈ దయనీయ సంఘటన కృష్ణా జిల్లా ముసునూరు మండలం కొత్తూరులో శనివారం జరిగింది. కొత్తూరువాసి జోనుబోయిన నాగరాజు(40) తనకున్న రెండున్నర ఎకరాల్లో వ్యవసాయ సాగుకు ఒకటి తరువాత ఒకటి వరుసగా మూడు బోర్లు వేయించాడు.