న్యూఢిల్లీ,్ఫబ్రవరి 15: పార్లమెంటు బడ్జెట్ సమావేశాలు సజావుగా నడిచేలా చూసేందుకు ప్రధాన మంత్రి నరేంద్ర మోదీ మంగళవారం ఉదయం అఖిల పక్ష సమావేశం ఏర్పాటు చేశారు. 23నుంచి ప్రారంభం అవుతున్న బడ్జెట్ సమావేశాల్లో ఎన్‌డిఏ ప్రభుత్వాన్ని ముప్పుతిప్పలు పెట్టేందుకు ప్రతిపక్ష పార్టీలు సిద్దమవుతున్నాయి.

న్యూఢిల్లీ, ఫిబ్రవరి 15: విశ్వభారతి వర్శిటీ వైస్ చాన్సలర్ పదవి నుంచి సుశాంత దత్తా గుప్తాను తొలగిస్తూ ప్రభుత్వం తీసుకున్న నిర్ణయాన్ని రాష్టప్రతి ప్రణబ్ ముఖర్జీ ఆమోదించారు. ఓ సెంట్రల్ యూనివర్శిటీ విసికి ఉద్వాసన పలకడం అన్నది దేశంలో ఇదే మొదటిసారి. దత్తా గుప్తాకు ఉద్వాసన పలకాలని మానవ వనరుల మంత్రిత్వ శాఖ నిర్ణయించింది.

పాట్నా/న్యూఢిల్లీ, ఫిబ్రవరి 15: ఢిల్లీలోని జెఎన్‌యులో ఇటీవల జరిగిన అఫ్జల్‌గురు సంస్మరణ కార్యక్రమం వెనక లష్కరే తొయిబా అధినేత హఫీజ్ సరుూద్ హస్తం ఉందంటూ హోమ్ మంత్రి రాజ్‌నాథ్ సింగ్ చేసిన ప్రకటనపై రెండోరోజైన సోమవారం కూడా తీవ్రస్థాయిలో ప్రకంపనలు చోటుచేసుకున్నాయి. ఇందుకు సంబంధించి ఆధారాలు ఇవ్వాలంటూ ఇటు రాజకీయ రంగానికి, అలాగే ఇతర రంగాలకు చెందిన అనేకమంది హోమ్ మంత్రిపై వత్తిడి తీసుకొస్తున్నారు.

న్యూఢిల్లీ, ఫిబ్రవరి 15: జెఎన్‌యు వివాదంలో కాంగ్రెస్ పార్టీ ఉపాధ్యక్షుడు రాహుల్ గాంధీపై బిజెపి అధ్యక్షుడు అమిత్ షా సోమవారం తీవ్రస్థాయిలో ధ్వజమెత్తారు. ఈ వ్యవహారం ద్వారా రాహుల్ గాంధీ తన మదిలో దేశ ప్రయోజనాలకు చోటులేదని నిరూపించుకున్నారని అమిత్ షా విమర్శించారు. వేర్పాటువాద శక్తులతో చేతులు కలిపిన రాహుల్ గాంధీ మరోసారి దేశ విభజన జరగాలని కోరుకుంటున్నారా? అని ఆయన నిలదీశారు.