దిల్లీ: దేశద్రోహం కేసులో పోలీసులు అరెస్టు చేసిన జెఎన్‌యు విద్యార్థి నేత కన్నయ్య కుమార్‌ను ఇక్కడి పటియాలా హౌస్ కోర్టు వద్దకు తీసుకువచ్చిన సందర్భంగా బుధవారం మళ్లీ ఘర్షణలు చెలరేగి ఉద్రిక్తతకు దారితీసింది. తమపై కొందరు లాయర్లు దాడిచేశారని జర్నలిస్టులు ఆరోపిస్తున్నారు. లాయర్లు రెండు వర్గాలుగా విడిపోయి దాడులకు దిగారు. కన్నయ్యకుమార్‌పై కొందరు న్యాయవాదులు దాడి చేశారని సమాచారం.

భువనేశ్వర్: నల్గొండ జిల్లాకు చెందిన పోలీసులు ఒడిశా పోలీసుల సహకారంతో రౌర్కెలాలోని ఓ ఇంటిపై మంగళవారం అర్ధరాత్రి దాడిచేసి నలుగురు సిమి ఉగ్రవాదులను అరెస్టు చేశారు. ఈ సందర్భంగా పోలీసులకు, ఉగ్రవాదులకు మధ్య సుమారు మూడు గంటలసేపు కాల్పులు జరిగాయి. గత ఏడాది నల్గొండ జిల్లా కోదాడలో కాల్పుల సంఘటనతో సంబంధం ఉన్న ఉగ్రవాదులు రౌర్కెలాలో తలదాచుకున్నట్లు తెలంగాణ పోలీసులకు సమాచారం అందింది.

న్యూఢిల్లీ: దేశవ్యాప్తంగా ఎనిమిది రాష్ట్రాలోని 12 అసెంబ్లీ స్థానాలకు జరిగిన ఉపఎన్నికల్లో బిజెపి, దాని మిత్రపక్షాలు 7 స్థానాలను దక్కించుకుని అధిక్యతను చాటడంతో పాటుగా ఉత్తరప్రదేశ్, కర్నాటకలో అధికార పార్టీని దెబ్బతీసి లబ్ధి పొందింది. కాగా, ఈ ఉప ఎన్నికలు కాంగ్రెస్ పార్టీకి మిశ్రమ ఫలితాలనిచ్చాయి.

న్యూఢిల్లీ: దేశద్రోహ కేసులో జవహర్‌లాల్ నెహ్రూ యూనివర్శిటీ విద్యార్థి సంఘ (జెఎన్‌యుఎస్‌యు) నాయకుడు కన్హయ్య కుమార్ అరెస్టుకు వ్యతిరేకంగా నిరసన వ్యక్తం చేస్తూ ఆ వర్శిటీ అధ్యాపకులు మంగళవారం తరగతులను బహిష్కరించి విద్యార్థుల సమ్మెలో పాల్గొన్నారు. అంతేకాకుండా ‘జాతీయవాదం’పై ఇకమీదట వర్శిటీ ఆవరణలో విద్యార్థులకు తరగతులు నిర్వహిస్తామని వారు స్పష్టం చేశారు.