న్యూఢిల్లీ: తెలంగాణ రాష్ట్రంలో వెనుకబడిన జిల్లాలకు కేంద్రం రూ.450 కోట్లు మంజూరు చేసింది. ఆంధ్రప్రదేశ్ విభజన చట్టం ప్రకారం తెలంగాణ జిల్లాలకు నిధులు ఇవ్వాల్సిన నేపథ్యంలో మొత్తం 10 జిల్లాల్లో హైదరాబాద్ మినహా మిగిలిన వెనుకబడిన ఒక్కో జిల్లాకు రూ.50 కోట్లు చొప్పున తొమ్మిది జిల్లాలకు రూ. 450 కోట్లు విడుదల చేసింది .

న్యూఢిల్లీ: జెఎన్‌యు వివాదానికి సంబంధించి మంగళవారం రాత్రి ఢిల్లీ పోలీసుల వద్ద లొంగిపోయిన విద్యార్థులు ఉమర్ ఖలీద్, అనిర్బన్ భట్టాచార్యను ఐదుగంటలపాటు విచారించారు. బుధవారం వేకువ జామున ఇరువురు విద్యార్థులను అరెస్టు చేసిన పోలీసులు వారిద్దరినీ ప్రశ్నించారు. కనీసం ఐదు గంటలపాటు విద్యార్థులను ఇంటరాగేషన్ చేసినట్టు సంబంధిత వర్గాలు తెలిపాయి.

న్యూఢిల్లీ: విభజన చట్టం హామీలను అమలు చేస్తూ, రాష్ట్రానికి ప్రత్యేక హోదా ప్రక్రియ వేగవంతం చేయాలని హోంశాఖ మంత్రి రాజ్‌నాథ్ సింగ్‌ను కోరినట్టు వైకాపా అధ్యక్షుడు వైఎస్ జగన్మోహన్ రెడ్డి తెలిపారు. బుధవారం మధ్యాహ్నం పార్లమెంటు ఆవరణలో రాజ్‌నాథ్ సింగ్‌ను జగన్ కలిసి విభజన చట్టంలో ఇచ్చిన హామీలు, ప్రత్యేక హోదా అంశంపై చర్చించారు. ఇచ్చిన హామీలన్నీ అమలు చేస్తామని రాజ్‌నాథ్ హామీ ఇచ్చినట్టు తెలిపారు.

దిల్లీ: జెఎన్‌యు, హెచ్‌సియులో ఇటీవలి సంఘటనలపై లోక్‌సభలో బుధవారం అధికార, విపక్ష సభ్యుల మధ్య వాదోపవాదాలు జరిగాయి. దేశద్రోహం కేసులో ఉరితీసిన అఫ్జల్‌గురుకు మద్దతుగా జెఎన్‌యులో కొందరు విద్యార్థులు నినాదాలు చేయడం భావ్యమా? అని బిజెపి సభ్యులు నిలదీశారు. అఫ్జల్‌గురు ఉగ్రవాది అవునో, కాదో కాంగ్రెస్ అధినేత్రి సోనియా స్పష్టం చేయాలని బిజెపి ఎంపీ అనురాగ్ ఠాకూర్ ప్రశ్నించారు.