దిల్లీ: దేశ రాజధానిలోని జవహర్‌లాల్ నెహ్రూ విశ్వవిద్యాలయం అరాచకాలకు అడ్డాగా మారిందని, అక్కడ అత్యాచారాలు నిత్యకృత్యమని రాజస్థాన్‌కు చెందిన బిజెపి ఎమ్మెల్యే జ్ఞానదేవ్ అహుజా మరోసారి సంచలన వ్యాఖ్యలు చేశారు. దిల్లీలో 50 శాతం అత్యాచారాలకు జెఎన్‌యు విద్యార్థులే కారణమని గతంలో ఆరోపించిన ఆయన ఇపుడు వర్సిటీలో సంఘ వ్యతిరేక కార్యకలాపాలకు అదుపులేకుండా పోయిందంటున్నారు.

దిల్లీ: స్మార్ట్ సిటీల జాబితాలో కరీంనగర్‌ను చేర్చాలని తెరాస ఎంపీ వినోద్‌కుమార్ చేసిన విజ్ఞప్తికి కేంద్ర పట్టణాభివృద్ధి శాఖామంత్రి వెంకయ్యనాయుడు సానుకూలంగా స్పందించారు. కొన్ని విధివిధానాలను సవరించి జాబితాలో కరీంనగర్‌ను చేర్చాలని అధికారులను ఆయన ఆదేశించారు. కేంద్రానికి పంపే నివేదికలో మార్పులు, చేర్పులు చేయాలని కరీంనగర్ మేయర్‌ను వెంకయ్య కోరారు.

తిరువనంతపురం: కేరళ సిఎంగా ప్రమాణ స్వీకారం చేయనున్న విజయన్ బుధవారం ఉదయం రాష్ట్ర గవర్నర్‌ను కలిసి తనతో పాటు మంత్రులుగా ప్రమాణం చేయనున్న వారి జాబితాను అందజేశారు.

న్యూఢిల్లీ,మే 24: మెడికల్, డెంటల్ కాలేజీల అడ్మిషన్లకు వచ్చే సంవత్సరం నుండి అందరికి వర్తించే నీట్ పరీక్షను తెలుగుతో పాటు ఏడు ప్రాంతీయ భాషల్లో రాసేందుకు కేంద్ర ప్రభుత్వం వీలు కల్పించింది. ఆంధ్ర, తెలంగాణ, మహారాష్ట్ర, తమిళనాడు, కేరళ తదితర రాష్ట్రాలకు 2016-17 సంవత్సరం అడ్మిషన్లకు నీట్ నుండి మినహాయింపు ఇచ్చేందుకు కేంద్ర ప్రభుత్వం మంగళవారం జారీ చేసిన ఆర్డినెన్స్‌లో ఈ అంశాన్ని పొందుపరిచారు.