ప్రియాంక కీలక పాత్రలో కె.ఆర్.కె. ప్రొడక్షన్స్, లక్ష్మీ వెంకటేశ్వర మూవీస్ పతాకంపై లోహిత్ దర్శకత్వంలో రూపొందిస్తున్న చిత్రం ‘చిన్నారి’. ఈ చిత్రాన్ని తెలుగు, కన్నడ భాషల్లో రూపొందించారు. బేబి యులినా పార్థవి, ఐశ్వర్య, మధుసూదన్ ప్రధాన తారాగణంగా నటించిన ఈ చిత్రం గూర్చి నిర్మాతలు మాట్లాడుతూ, హారర్ జోనర్‌లో చైల్డ్ సెంటిమెంట్ ప్రాధాన్యతతో రూపొందించిన ఈ చిత్రం గోవా నేపథ్యంలో సాగుతుందని తెలిపారు.

సాయిధరమ్‌తేజ్ కథానాయకుడిగా లక్ష్మీనరసింహ ప్రొడక్షన్స్ పతాకంపై గోపీచంద్ మలినేని దర్శకత్వంలో నల్లమలపు శ్రీనివాస్, ఠాగూర్ మధు రూపొందిస్తున్న చిత్రం ‘విన్నర్’. ఈ చిత్రానికి సంబంధించిన అన్ని కార్యక్రమాలు పూర్తిచేసి మహాశివరాత్రి కానుకగా విడుదల చేయడానికి సన్నాహాలు చేస్తున్నారు.

శుకా ఎంటర్‌టైన్‌మెంట్స్ పతాకంపై శ్రీకాంత్ చల్లా దర్శకత్వంలో రూపొందించిన చిత్రం ‘వశం’. ఈ చిత్రానికి సంబంధించిన సెన్సార్ కార్యక్రమాలు జరుగుతున్నాయి. అన్ని కార్యక్రమాలు పూర్తిచేసుకున్న ఈ చిత్రానికి సంబంధించిన పాటను తమ్మారెడ్డి భరద్వాజ, ట్రైలర్‌ను రాజ్ కందుకూరి విడుదల చేశారు.

బుల్లితెరకి కొత్త అందాన్ని తీసుకొచ్చిన ముద్దుగుమ్మ అనసూయ. మొట్టమొదట ఆమెకి పవన్‌కళ్యాణ్ ‘అత్తారింటికి దారేది’లో ఐటెమ్ పాట చేసే అవకాశమొచ్చింది. కానీ అప్పట్లో నో చెప్పి అందరినీ ఆశ్చర్యపరిచింది. ఆ పాట ఎందుకు చేయలేదో కూడా ఆ తర్వాత కారణాలు చెప్పింది. ఆయితే తర్వాత్తర్వాత కూడా ఐటెమ్ పాటల కోసం ఆమెని పలు ఆఫర్లు వరించాయి. కానీ వాటిని ఒప్పుకోకుండా క్షణం, సోగ్గాడే చిన్నినాయన చిత్రాల్లో నటించింది.