గ్యాప్ తరువాత పవన్ కల్యాణ్ (పిఎస్‌పికె 26) -రీమేక్ ప్రాజెక్టుతో స్క్రీన్స్‌కు వస్తోన్న విషయం తెలిసిందే. సినిమాను మేలో విడుదల చేయాలన్న తలంపుతో వున్న చిత్రబృందం ప్రమోషన్స్ పర్వానికి తెరలేపింది. సోమవారం సాయంత్రం పవన్ ఫస్ట్‌లుక్ విడుదల చేయనున్నట్టు చిత్రబృందం అధికారికంగా ప్రకటించింది. ఫుస్ట్‌లుక్‌తో పాటు టైటిల్ అనౌన్స్ చేయనున్న నేపథ్యంలో -దానిపై ఇండస్ట్రీలో ఆకస్తి కనిపిస్తోంది.

‘పాన్ వరల్డ్’ సినిమాకు సిద్ధమవుతున్నాడు హీరో ప్రభాస్. ‘మహానటి’తో దర్శకుడిగా తన స్టామినాను చూపించిన నాగ్ అశ్విన్‌తో ప్రభాస్ కొత్త ప్రాజెక్టుకు రెడీ అవ్వడం తెలిసిందే. అశ్వనీదత్ నిర్మించనున్న ఈ ప్రాజెక్టులో ప్రభాస్‌కు జోడీగా బాలీవుడ్ అగ్ర నటి దీపికను ఎంపిక చేసుకునే ఆలోచనలో ఉన్నారట.

భీష్మ ప్రాజెక్టు డీటెయిల్స్ నాకు ముందే తెలుసు. సాంగ్స్‌ని నితిన్ ముందే చూపించాడు. సినిమా హిట్టవ్వాలని అప్పుడే కోరుకున్నా. భీష్మతో నితిన్ కొట్టిన హిట్.. నా సొంత సినిమా హిట్టుకంటే సంతోషాన్నిస్తోంది -అన్నాడు హీరో వరుణ్ తేజ్. నితిన్, రష్మిక జోడీగా దర్శకుడు వెంకీ కుడుముల తెరకెక్కించిన భీష్మకు సక్సెస్ అప్లాజ్ రావడంతో విశాఖపట్నంలో విజయోత్సవం నిర్వహించారు.

భక్తి చిత్రాల్లో అమ్మవారి పాత్రలంటే కేఆర్ విజయ, రమ్యకృష్ణే గుర్తుకొస్తారు. ఆ కోవలోకి మరో అగ్ర కథానాయిక కూడా చేరుతోంది. మూకుత్తి అమ్మన్ తమిళ చిత్రంలో నయనతార అమ్మవారి పాత్ర గెటప్‌లో కనిపించనుంది. ఈ చిత్రానికి సంబంధించి ఫస్ట్‌లుక్‌ను ఇటీవల చెన్నైలో విడుదల చేశారు. అమ్మవారి రూపంలో నయన్ నిండుగా కనిపిస్తోంది.