ప్రస్తుతం తెలుగులో రాశీఖన్నా హవా బాగా జోరుగా సాగుతోంది. ఇప్పటికే పలు సినిమాల్లో అవకాశాలు రావడంతో ఈమె హైదరాబాద్‌లో సెటిల్ అయింది. ఇటీవలే ‘సుప్రీమ్’ చిత్రంలో నటించిన రాశీఖన్నా, ప్రస్తుతం రవితేజ సరసన ఓ చిత్రంలో నటించేందుకు రెడీ అయ్యింది. దాంతోపాటు హీరో రామ్ సరసన కూడా మరోసారి నటిస్తోందట.

మహేష్‌బాబు హీరోగా నటించిన ‘1’ (నేనొక్కడినే) సినిమా ద్వారా తెలుగు తెరకు పరిచయమైన గ్లామర్ భామ కృతి సనన్‌కు ఆ తరువాత తెలుగులో అవకాశాలు వచ్చినా కూడా కమర్షియల్‌గా విజయాన్ని అందుకోలేకపోయింది. దాంతో బాలీవుడ్‌లో కూడా తన అదృష్టాన్ని పరీక్షించుకున్న ఈమెకు నిరాశే మిగిలింది. దాంతో ఇప్పుడు తన చెల్లెలు నుపుర్ సనన్‌ను రంగంలోకి దింపుతోంది.

మాజీ క్రికెటర్ అజారుద్దీన్ జీవిత కథ ఆధారంగా నిర్మిస్తున్న ‘అజహర్’ సినిమా ప్రమోషన్‌కోసం ముంబైలో నిర్వహించిన కార్యక్రమంలో పాల్గొన్న బాలీవుడ్ తార ప్రాచీదేశాయ్.

నందమూరి బాలకృష్ణ తన వందో చిత్రాన్ని ప్రతిష్ఠాత్మకంగా తెరకెక్కించే సన్నాహాలు చేస్తున్నారు. అఖండ భారతాన్ని పరిపాలించిన తొలి తెలుగు రాజు గౌతమీపుత్ర శాతకర్ణి కథతో తెరకెక్కే ఈ చిత్రం ఇటీవలే ప్రారంభమైన విషయం తెలిసిందే. క్రిష్ దర్శకత్వంలో రూపొందే ఈ చిత్రం రెగ్యులర్ షూటింగ్ జూన్ నుండి ప్రారంభం కానుంది. ఈ చిత్రం ద్వారా బాలకృష్ణ వారసుడు మోక్షజ్ఞ సినిమాల్లో ఎంట్రీ ఇవ్వనున్నట్టు సమాచారం.