నిర్మాత బావుంటేనే హీరో బావుంటాడు. చేసిన సినిమా నష్టాల్లోపడితే -మరోకోణంలో దాన్ని భర్తీ చేసుకునేందుకు హీరో అవకాశమిస్తాడు. ఇది టాలీవుడ్‌లో కనిపించే అండర్‌స్టాండింగ్ ప్రొఫెషనలిజం. ఇప్పుడు -నిర్మాత నితిన్, హీరో అఖిల్ మధ్య కూడా అలాంటి ప్రొఫెషనలిజం అండర్‌స్టాండింగ్ సెట్టయ్యిందన్న మాట వినిపిస్తోంది. అఖిల్ తాజా చిత్రం ‘మోస్ట్ ఎలిజిబుల్ బ్యాచిలర్’ విడుదలకు రెడీ అయ్యింది.

గుర్తింపుపొందిన లేడీ విలన్లు బహు తక్కువ. సూర్యకాంతం, ఛాయాదేవి, విజయలలిత, జ్యోతిలక్ష్మిలాంటివాళ్లు నెగెటివ్ షేడ్స్ పాత్రలతో మెప్పించారు. అలాంటి ఆర్టిస్టులు ఇక కరవయ్యారని అనుకుంటున్న తరుణంలో -ఈ జనరేషన్ లేడీ విలన్‌గా వరలక్ష్మి శరత్‌కుమార్ మంచి ఇమేజ్‌ను సంపాదించుకుంది. తమిళ హీరో శరత్‌కుమార్ తనయ వరలక్ష్మి. లేడీ విలన్ పాత్రలకు కేరాఫ్ అడ్రస్‌గా మారింది తమిళ ఇండస్ట్రీలో.

వెంకటేష్, వరుణ్‌తేజ్ హీరోలుగా ‘ఎఫ్2’తో గతేడాది సంక్రాంతి హిట్టు కొట్టాడు అనిల్ రావిపూడి. కామెడీ, యాక్షన్, ఎమోషన్ల పర్ఫెక్ట్ వంటకంగా దర్శకుడు అనిల్‌కు మంచి పేరు తెచ్చిందీ చిత్రం. ఈ ఏడాది సంక్రాంతికి ‘సరిలేరు నీకెవ్వరు’ హిట్టుకొట్టిన అనిల్ -వచ్చే సంక్రాంతికి ‘ఎఫ్3’తో హిట్టుకొట్టే ఆలోచనలో ఉన్నాడట. ఫన్, ఫ్రస్ట్రేషన్‌కు మరో ఎఫ్‌ని జోడించే మంచి కథను వండుతున్నట్టు తెలుస్తోంది.

జనమంతా బిజీ. రొటీన్ లైఫ్‌లో ఎవరి బిజీ వాళ్లది. మానవాళిని కబళించే మహమ్మారి దాడి చేస్తోందంటూ ప్రపంచ దేశాలు గగ్గోలెత్తుతుంటే -మన వరకూ వచ్చాక చూద్దాంలే అన్నంత బిజీ. నిజానికి ఈ నిర్లక్ష్యమే -ప్రాణం తీసే వైరస్ పుట్టడానికి కారణమై చైనా కొంపముంచింది. చైనానుంచి ప్రపంచం మీదకి దండెత్తిన కరోనా వైరస్ విషయంలో -ఇటలీ జనాలు చూపించిన నిర్లక్ష్యమే ఆ దేశాభివృద్ధిని పాతికేళ్ల వెనక్కిలాగేసింది.