కట్టంగూర్, ఏప్రిల్ 20: హైదరాబాద్ - విజయవాడ 65వ నెంబర్ జాతీయ రహదారిపై నల్లగొండ జిల్లా కట్టంగూర్ మండలం అయిటిపాముల గ్రామశివారులో శుక్రవారం తెల్లవారుజామున ప్రైవేట్ ట్రావెల్స్ బస్సు బోల్తా కొట్టిన ప్రమాదంలో 11 మంది ప్రయాణికులకు గాయాలయ్యాయి.

హైదరాబాద్, ఏప్రిల్ 20: అమెరికా వీసాలు పొందేందుకు నకిలీ డాక్యుమెంట్లు తయారు చేస్తున్న ఇద్దరిని టాస్క్ఫోర్స్ పోలీసులు అరెస్టు చేశారు. శాలిబండకు చెందిన మహ్మద్ ఫర్‌ఖాన్, యాకుత్‌పురాకు చెందిన షేక్ అబ్దుల్ బరిలను అరెస్టు చేసి వారి నుంచి నకిలీ ఆహ్వాన పత్రాలు, డెల్ కంపెనీ పేరుతో ఉన్న ఐడి కార్డులను, రెండు సెల్‌ఫోన్లను స్వాధీనం చేసుకున్నారు.

అహ్మదాబాద్: పదహారేళ్ల క్రితం నాటి నరోదా పటియా ఊచకోత కేసులో బీజేపీ మాజీ మంత్రి మాయా కొడ్నానీ, మరో 17మందిని గుజరాత్ హైకోర్టు శుక్రవారం నిర్దోషులుగా ప్రకటించింది. అయితే 97మంది మరణానికి సంబంధించిన 2002నాటి ఈ కేసులో బజరంగ్ దళ్ మాజీ నాయకుడు బాబూ బజరంగీ సహా 13మంది శిక్షలను ధృవీకరించింది. 2012లో ఈ కేసుకు సంబంధించి హైకోర్టు దోషులుగా ప్రకటించిన 32మందిలో 18మంది నిర్దోషులుగా విడుదలయ్యారు.

ధర్మవరం, ఏప్రిల్ 20: మండలంలోని తిప్పేపల్లి గ్రామానికి సమీపంలో గుర్తు తెలియని వ్యక్తిని హత్య చేసి రైల్వే పట్టాలపై పడవేసిన సంఘటన శుక్రవారం ఉదయం వెలుగుచూసింది. రైల్వే ట్రాక్‌పై గుర్తు తెలియని వ్యక్తి మృతదేహం గమనించిన తిప్పేపల్లి గ్రామస్థులు వీఆర్‌ఓకు సమాచారం అందించడంతో రూరల్ ఎస్‌ఐ గోపాలుడుకు సమాచారం తెలిపారు. దీంతో ఎస్‌ఐ గోపాలుడు తన సిబ్బందితో సంఘటన స్థలానికి వెళ్లి పరిశీలించారు.