తిరుపతి, ఏప్రిల్ 22: శ్రీవారి దర్శనార్థం తిరుమలకు వచ్చిన భక్తులు ఎంతో భక్తిశ్రద్ధలతో హుండీలో సమర్పించిన కానుకల ద్వారా సమకూరుతున్న నిధుల్లో వెయ్యి కోట్ల రూపాయలను వడ్డీ అధికంగా ఇస్తున్నారని ఇండస్ ఇండ్ బ్యాంకులో డిపాజిట్ చేయడాన్ని తప్పుపడుతూ తిరుపతికి చెందిన సామాజికవేత్త, రాయలసీమ పోరాట సమితి కన్వీనర్ నవీన్‌కుమార్‌రెడ్డి హైకోర్టులో శనివారం ప్రజావ్యాజ్యం దాఖలు చేశారు.

సికిందరాబాద్, ఏప్రిల్ 22: సికిందరాబాద్ రేతిఫైల్ బస్‌స్టేషన్ ప్రాంతంలోని వైన్‌షాప్ ముందు ఆదివారం ఉదయం రౌడీషీటర్ దారుణ హత్యకు గురయ్యాడు. అందరూ చూస్తుండగానే ఆరుగురు వ్యక్తులు మూకుమ్మడిగా దాడి చేసి కత్తులు, కర్రలు, రాళ్లతో కొట్టి దారుణంగా హతమార్చారు. తీవ్ర సంచనలం సృష్టించిన ఈ సంఘటనకు సంబంధించిన వివరాలు ఈ విధంగా ఉన్నాయి..

చీరాల, ఏప్రిల్ 22: సినిమా చూపిస్తానంటూ ఓ మోసగాడు పసిపిల్లలకు పట్టపగలే అరచేతిలో వైకుంఠం చూపించాడు. చిన్నారులకు మాయమాటలు చెప్పి మండుటెండలో వదిలేసి ఎటో చెక్కేశాడు. దీంతో ఆదివారం సరదాగా గడుపుదామనుకున్న చిన్నారులకు ఎదురుచూపులే మిగిలాయి. బాధిత చిన్నారులు తెలిపిన వివరాల మేరకు కారంచేడుకు చెందిన పవన్ సినిమాలకు మైకులో ప్రచారం చేస్తూ ఉంటాడు.

సైదాపురం, ఏప్రిల్ 22: మండల కేంద్రమైన సైదాపురం జిల్లా పరిషత్ ఉన్నత పాఠశాలలో ఆదివారం జరిగిన వన్ సిట్టింగ్ ఇంటర్ పరీక్షలలో ఓ విద్యార్థినికి బదులుగా మరో బాలిక పరీక్ష రాస్తుండగా తనిఖీ అధికారులు గుర్తించారు. నెల్లూరు స్టోన్‌హౌస్‌పేటకు చెందిన మమత ఆదివారం సైదాపురంలో జరిగిన పరీక్షకు హాజరుకావాల్సి ఉండగా ఆమె స్థానంలో ఆ బాలిక స్నేహితురాలు సాయితేజస్వీ అనే బాలిక పరీక్షకు హాజరైంది.