కంకిపాడు, మే 22: ఇంటి ముందు ఆరుబయట విశ్రాంతి తీసుకుంటున్న మహిళ మెడలో గొలుసు తెంచుకొని పరారైన ఘటన మండలంలోని గొడవర్రులో జరిగింది. పోలీసులు తెలిపిన వివరాల ప్రకారం గ్రామంలోని శివాలయం సమీపంలో నివసించే పైకం సునీత సోమవారం రాత్రి 8గంటల సమయంలో ఇంటి ఆవరణలో మంచం వేసుకొని నడుంవాల్చి విశ్రాంతి తీసుకుంటుండగా వెనుక నుంచి వచ్చిన దొంగ ఆమె మెడలోని 5కాసుల బంగారు నాంతాడును తెంచుకుని పరారయ్యాడు.

మారేడుమిల్లి, మే 22: మారేడుమిల్లి మండలం గుజ్జుమామిడివలస పంచాయితీ పరిధిలోని వాలమూరు గ్రామంలో గల పాములేరు వాగులో పడి మంగళవారం ఒక యువకుడు మృతి చెందగా మరో యువకుడు గల్లంతయ్యాడు. స్థానిక పోలీసులు తెలిపిన వివరాల ప్రకారం గొల్లప్రోలు మండలం చేబ్రోలు గ్రామానికి చెందిన నందికళ్ళ మణీంద్ర (21), గ్రంధి బుచ్చిరాజుగుప్త (21) పాములేరువాగులో స్నానం చేస్తుండగా గల్లంతయ్యారు.

కొత్తపేట, మే 22: మండల పరిధిలోని అవిడి శివారు అమలాపురం ప్రధాన రహదారిపై మోటారు సైకిల్‌ను కారు ఢీకొనడంతో ఇద్దరు మృతిచెందగా మరొకరు తీవ్రంగా గాయపడినట్లు ఎస్సై హరీష్‌కుమార్ తెలిపారు. మండల పరిధిలోని మోడేకుర్రుకు చెందిన నంద్యాల సత్యనారాయణ (60), బద్దిరెడ్డి సూర్యనారాయణ (60) మృతి చెందగా, గంగుమళ్ల లక్ష్మీనారాయణ తీవ్రంగా గాయపడినట్లు ఎస్సై తెలిపారు.

నందికొట్కూరు, మే 22:పగిడ్యాల మండల పరిధిలోని సంకిరేణిపల్లె గ్రామానికి చెందిన కౌలు రైతు నాగిరెడ్డి(30) ఆసుపత్రిలో చికిత్స పొందుతూ మంగళవారం మృతి చెందాడు. ముచ్చుమర్రి ఎస్‌ఐ కిరణ్‌బాబు తెలిపిన వివారాలు.. గ్రామానికి చెందిన నాగిరెడ్డి ఐదెకరాల సొంత పొలంతో పాటు ముంపునకు గురైన మరికొంత పొలాన్ని కౌలుకు తీసుకుని సాగుచేశారు. మినుము, శెనగ పంటల సాగు కోసం దాదాపు రూ.