చిత్తూరు, జూలై 13: చిత్తూరు జిల్లా సమాచార పౌర సంబంధాల శాఖ ఆడియో వీడియో ఇంజనీరింగ్ విభాగం డిప్యూటీ ఈఈ నాగేశ్వరరావు ఏసీబీకి చిక్కారు. కార్యాలయంలోనే 8వేలు లంచం తీసుకొంటుండగా ఏసీబీ అధికారులు శుక్రవారం వల పన్ని పట్టుకొన్నారు. చిత్తూరు జిల్లాలో గ్రామాలకు పలు వౌలిక వసతులు కల్పించే లెవన్ స్టార్ కార్యక్రమాలకు అధికారులు శ్రీకారం చుట్టారు.

మొగల్తూరు, జూలై 13: కల్లు తీయడానికి తాటిచెట్టు ఎక్కుతున్న ఒక గీత కార్మికుడు విషపుటీగలు కుట్టడంతో మృతిచెందాడు. పశ్చిమ గోదావరి జిల్లా మొగల్తూరు మండలం పేరుపాలెం సౌత్ గ్రామంలో శుక్రవారం ఈ ఘటన చోటుచేసుకుంది. వివరాలిలావున్నాయి... పేరుపాలెం సౌత్ గ్రామానికి చెందిన గీత కార్మికుడు గుబ్బల పెద్దిరాజు (51) శుక్రవారం ఉదయం తాడి చెట్టు ఎక్కుతుండగా విషపుటీగలు దాడిచేశాయి.

హైదరాబాద్: ఎమ్సెట్ మెడిసిన్ పేపర్ లీకేజీ కేసులో చంచల్‌గూడ జైల్లో ఉన్న నిందితులు వాసుబాబు, శివనారాయణలను సీఐడీ కస్టడీకి అనుమతిస్తూ నాంపల్లి కోర్టు అనుమతించింది. బుధవారం నిందితుల కస్టడీ కోరుతూ సీఐడీ కోర్టులో పిటీషన్ దాఖలు చేసింది. ఈ పిటీషన్‌ను గురువారం విచారణకు స్వీకరించిన కోర్టు నిందితులు ఇద్దరిని కస్టడీకి తీసుకునేందుకు అనుమతించింది.

న్యూఢిల్లీ: స్వలింగ సంపర్కాన్ని ఒక నేరంగా పరిగణించడం మానివేస్తే దీనికి సంబంధించిన లెస్బియన్, గే, బైసెక్సువల్, ట్రాన్స్‌జెండర్ వ్యక్తుల పట్ల సామాజిక వివక్షత దానంతట అదే తగ్గుతుందని సర్వోన్నత న్యాయస్థానం సుప్రీంకోర్టు ధర్మాసన వ్యాఖ్యానించింది. భారతదేశంలో స్వలింగ సంపర్కం, దీనితో ముడిపడి ఉన్న వ్యక్తుల పట్ల వివక్షత ఏళ్ల తరబడి పాతుకుపోయి ఉందని కోర్టు పేర్కొంది.