రాష్ట్రీయం
హృదయమా.. వందనం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్‌లో రోగికి గుండె మార్పిడి
తిరుచ్చినుంచి తరలివచ్చిన గుండె
గంటా ఐదు నిమిషాల్లో తరలింపు
బేగంపేట-సికింద్రాబాద్ గ్రీన్ కారిడార్ ఏర్పాటు
యశోద ఆస్పత్రిలో చికిత్స
హైదరాబాద్, బేగంపేట, నవంబర్ 28: కొడిగడుతున్న ఓ ప్రాణం... మరో ప్రాణానికి ఊపిరులూదింది. ఎక్కడో తమిళనాడులో బ్రెయిన్‌డెడ్ అయిన ఓ యువకుడి గుండె ఇక్కడ హైదరాబాద్‌లో ఓ వ్యక్తికి ప్రాణం పోసేందుకు తరలివచ్చింది. తమిళనాడులోని తిరుచ్చిలో కొద్దిరోజుల క్రితం రోడ్డు ప్రమాదంలో 23 ఏళ్ల యువకుడు తీవ్రంగా గాయపడ్డాడు. డాక్టర్లు బ్రెయిన్ డెడ్ కేసని తేల్చారు. కళ్లముందే కొడుకు అచేతనుడు కావడంతో తల్లిదండ్రుల గుండె చెరువైనా, మరో ప్రాణాన్ని కాపాడే ఉద్దేశంతో కుమారుడి గుండెను దానం చేసేందుకు పెద్ద మనసుతో అంగీకరించారు.
అతని గుండెను తిరుచ్చిలోని కేథర్ ఆసుపత్రి నుంచి సికింద్రాబాద్‌లోని యశోద ఆసుపత్రికి వైద్యులు ప్రత్యేక విమానంలో తీసుకువచ్చారు. తమిళనాడు నుంచి సికిందరాబాద్‌కు ఈ గుండె కేవలం గంటా అయిదు నిమిషాల్లోనే చేరుకుంది. ప్రత్యేక విమానంలో బేగంపేట విమానాశ్రయానికి తీసుకురాగా, అక్కడి నుంచి పోలీసులు గ్రీన్ కారిడార్‌ను ఏర్పాటు చేసి కేవలం మూడు నిమిషాల ఆరు సెకనుల్లో యశోద ఆసుపత్రికి తరలించారు. ఇక్కడ నాలుగేళ్ల నుంచి గుండె, ఊపిరితిత్తులు పూర్తిగా దెబ్బతిని దాత కోసం ఎదురుచూస్తున్న నల్లకుంటకు చెందిన సాఫ్ట్‌వేర్ ఇంజనీర్ శ్రీనివాసరాజు (50)కు గుండెను అమర్చే ప్రక్రియను యశోద డాక్టర్లు ప్రారంభించారు. ఈ ఆపరేషన్ శనివారం అర్థరాత్రి వరకు కొనసాగింది. కార్డియో థోరాసిక్ సర్జన్ డాక్టర్ గోపాలకృష్ణ గోఖలే నేతృత్వంలో వైద్యుల బృందం ఈ గుండెను శ్రీనివాసరాజుకు అమర్చారు.
గత నెల 14వ తేదీన ఆసుపత్రికి వచ్చిన శ్రీనివాసరాజుకు వైద్య పరీక్షలు నిర్వహించిన డాక్టర్ గోఖలే ఆయనకు గుండె మార్పిడి ఒక్కటే మార్గమని సూచించటంతో యశోద ఆసుపత్రి వైద్యులు ఆయన పేరును జీవన్‌దాన్ పథకంలో నమోదు చేసి, అప్పటి నుంచి దాత కోసం ఎదురుచూస్తున్నారు. ఈ సందర్భంగా యశోద ఆసుపత్రి సిఇవో డాక్టర్ సురేందర్‌రావు మాట్లాడుతూ బ్రెయిన్‌డెడ్ అయిన యువకుడి గుండె సిద్ధంగా ఉందన్న సమాచారం తెలియటంతో ప్రత్యేక చార్టర్డ్ ఫ్లైట్‌లో కేవలం గంట 5 నిమిషాల వ్యవధిలో గుండెను నగరానికి తీసుకువచ్చినట్లు ఆయన తెలిపారు. (చిత్రం) గ్రీన్‌కారిడార్ ద్వారా బేగంపేట నుంచి యశోద ఆసుపత్రికి అంబులెన్స్‌లో గుండెను తీసుకువస్తున్న వైద్యులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.