రాష్ట్రీయం
సకాలంలో తాగునీటి పథకాలు పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
కాలపరిమితి ముగిసినా ప్రపంచబ్యాంకు సాయం
సమీక్షకు హాజరైన ప్రపంచ బ్యాంకు బృందం
హైదరాబాద్, డిసెంబర్ 17: నీటి ఎద్దడి ఎక్కువగా ఉండే మహబూబ్‌నగర్, కరీంనగర్, ఆదిలాబాద్ జిల్లాల్లో ప్రపంచ బ్యాంకు ఆర్థిక సహాయంతో చేపట్టిన తాగునీటి పథకాలను సత్వరం పూర్తి చేయాలని ఆర్‌డబ్ల్యుయస్ ఇఎన్‌సి బి సురేందర్‌రెడ్డి అధికారులను ఆదేశించారు. ఈ మూడు జిల్లాల్లో 995 ఆవాసాల్లో తాగునీటి సరఫరా కోసం ప్రపంచ బ్యాంకు 386 కోట్ల 53లక్షల రూపాయల నిధులతో 2013లో పనులు ప్రారంభమయ్యాయి. 810 గ్రామాల్లో మంచినీటి బావుల తవ్వకం, బోర్‌వెల్స్ వేయడం వంటి పనులు చేపట్టారు. మిగిలిన 185 గ్రామాలకు సమగ్ర బహుళ గ్రామ మంచినీటి పథకం కింద రిజర్వాయర్లలో ఇంటెక్‌వెల్స్ నిర్మించి పైప్‌లైన్లతో తాగునీటిని సరఫరా చేస్తున్నారు. ఈ పనులను 26 రకాలుగా విభజించారు. ఇందులో 12 పూర్తి కాగా, 14 రకాల పనులు కొనసాగుతున్నాయి. ఇప్పటివరకు 236 కోట్ల 78లక్షలు ఖర్చుచేశారు. అయితే వచ్చే ఏడాది మే నాటికి ఈ పథకానికి ప్రపంచ బ్యాంకు ఆర్థిక సహాయం నిలిచిపోతుంది. దీంతో ఇఎన్‌సి బి సురేందర్‌రెడ్డి ఈ పథకంపై ప్రత్యేక దృష్టిపెట్టారు. ఆయా జిల్లాల ఆర్‌డబ్ల్యుయస్ అధికారులు, సిబ్బంది, ప్రపంచ బ్యాంకు ప్రతినిధులతో పాటు కాంట్రాక్టర్లతో సమగ్ర సమీక్ష జరిపారు. మిగిలిన పనులు ఎప్పటి లోగా పూర్తి చేస్తారో జనవరి 15 నాటికి యాక్షన్ ప్లాన్ ఇవ్వాలని, మార్చి వరకు పనులు పూర్తి కావాలని తెలిపారు.
వచ్చే ఏడాది నీటి ఎద్దడి తీవ్రంగా ఉండే అవకాశం ఉందని, దీనిని దృష్టిలో పెట్టుకొని పనులు చేయాలని ఆదేశించారు. పనులు సకాలంలో చేయని ఇంజనీర్లు, వర్క్ ఏజెన్సీలపై చర్యలు తీసుకుంటామని చెప్పారు. గడువు పూర్తయినా కొంత కాలం పాటు పథకానికి ఆర్థిక సహాయం అందించాలని ప్రపంచ బ్యాంకు ప్రతినిధులను ఇఎన్‌సి కోరారు. ఆర్‌డబ్ల్యుయస్ పని తీరు పట్ల తాము సంతృప్తిగా ఉన్నామని ప్రపంచ బ్యాంకు ప్రతినిధులు తెలిపారు. మరి కొంత కాలం సహాయం పొడిగింపునకు అంగీకరించారు. సమావేశంలో ప్రపంచ బ్యాంకు టీం లీడర్ రాఘవ, రిటైర్డ్ ఇఎన్‌సి మోహన్‌రావులతో పాటు ఆర్‌డబ్ల్యుయస్ అధికారులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.