అంతర్జాతీయం
నిజాయితీ.. ముక్కుసూటితనం
S ,7 à 8 RSCA (si SASPAS) et 6 cialis pharmacie cialis rapports de stage.
భారత ప్రధాని మోదీ నైజం
ఇది ఒబామా మనసులోని మాట
వెల్లడించిన అమెరికా అధ్యక్ష భవనం
వాషింగ్టన్, డిసెంబర్ 3: భారత ప్రధాన మంత్రి నరేంద్ర మోదీ నిజాయితీపరుడని, ముక్కుసూటిగా మాట్లాడే రాజకీయ నాయకుడని అమెరికా అధ్యక్షుడు బరాక్ ఒబామా భావిస్తున్నారు. భారతదేశానికి సంబంధించి స్పష్టమైన అవగాహన మోదీకి ఉందని ఒబామా భావిస్తున్నారని అమెరికా అధ్యక్ష భవనం శే్వతసౌధం తెలిపింది. ‘మోదీ నిజాయితీపరుడని, తన అభిప్రాయాలను ముక్కుసూటిగా వ్యక్తపరిచే రాజకీయ నాయకుడని, ఆయనకు వాస్తవ పరిస్థితులపై మంచి అవగాహన ఉందని, తన దేశం ఎదుర్కొంటున్న సవాళ్లు, మాతో సంబంధాల గురించి స్పష్టమైన అవగాహన ఉందని అధ్యక్షుడు ఒబామా భావిస్తున్నారు’ అని వైట్ హౌస్ ప్రెస్ సెక్రెటరి జోష్ ఎర్నెస్ట్ బుధవారం ఇక్కడ విలేఖరుల సమావేశంలో చెప్పారు. ఐక్యరాజ్య సమితి (ఐరాస) వాతావరణ మార్పుల శిఖరాగ్ర సదస్సులో పాల్గొనేందుకు పారిస్ వచ్చిన మోదీతో ఒబామా సోమవారం భేటీ అయ్యారు. ఈ ఇద్దరు నేతలు భేటీ కావడం ఇది ఆరోసారి. వీరిద్దరు గత సంవత్సరం సెప్టెంబర్‌లో వైట్ హౌస్‌లో మొదటిసారి భేటీ అయ్యారు. ‘్భరతదేశాన్ని ఏ స్థాయికి తీసుకువెళ్లాలని తాను కోరుకుంటున్నారో మోదీకి స్పష్టంగా తెలుసు, దీనివల్ల సమర్థవంతమైన రాజకీయ నాయకుడిగానే కాక సమర్థవంతమైన ప్రధానమంత్రి కాగలిగారు’ అని ఎర్నెస్ట్ అన్నారు. ‘ఒబామా ప్రధాని మోదీని గౌరవిస్తారు. రాజకీయ నాయకుడిగా మోదీ నైపుణ్యాలను, సామర్థ్యాలను ఆయన అభినందిస్తారు. ప్రపంచంలోనే అతిపెద్ద ప్రజాస్వామ్య దేశంలో ఉన్నతస్థాయి పదవిలో కూర్చోవడం వల్ల మోదీ చాలా జటిలమైన సవాలును స్వీకరించారు’ అని ఎర్నెస్ట్ పేర్కొన్నారు. ఈ ఇద్దరు నేతలు తరచుగా భేటీ అవుతుండటాన్ని ప్రస్తావిస్తూ, అనేక సందర్భాలలో మోదీని సంప్రదించే అవకాశం ఒబామాకు వచ్చిందని ఆయన అన్నారు. ‘ఈ ఇద్దరు నేతలకు ఉన్న కలిసి పనిచేసే మంచి లక్షణానికేకాక మా ఇరు దేశాల మధ్య గల ఉమ్మడి అంశాలకు, ఆ అంశాలపై కలిసి పనిచేసేందుకు ఈ ఇద్దరు నేతలకు ఉన్న సామర్థ్యానికి, మా రెండు దేశాల ఉమ్మడి ప్రయోజనాలను నెరవేర్చే దిశగా ముందుకు సాగడానికి ఇది నిదర్శనం. ఇది మంచి విషయం’ అని ఎర్నెస్ట్ వ్యాఖ్యానించారు. ఇది ప్రపంచానికి, ఇరు దేశాల పౌరులకు మంచి విషయమని ఆయన పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.