వీరాజీయం

‘మొబైల్స్’కి కాలిబాట!

S ,7 à 8 RSCA (si SASPAS) et 6 cialis pharmacie cialis rapports de stage.

గుళ్ళో.. రైల్లో.. బళ్ళో.. హాల్లో.. కిచెన్లో.. బాత్‌రూమ్‌లో ఎక్కడైనా సరే, ట్రైనింగులో.. మీటింగులో.. మార్నింగు వాకింగులో.. ఆఫీసులో.. కాలేజీలో - ‘ఎనీ వేర్.. ఎవ్వెరీ వేర్- మనిషి వెంట ‘నీ నీడను నేను, నిను వీడను నేను’.. అంటూ వెంటవచ్చే ఫ్రెండు.. ఫిలాసఫర్ అండ్ గైడ్- సెల్ ఫోన్ మాత్రమే . స్మార్ట్ ఫోను ఒక్కటి చేత ఉంటె అదే స్వర్గమూ అదే స్వర్గమూ.. పొతే పోతాడు పక్క వాడు ‘ హెల్’కి.
పిచ్చివాడి స్వగతంలా మాటల్దేసుకుంటూ ఉంటారు.. గుళ్ళో అందరి ఫో నులూ లాక్కుంటూ వుంటారు గాని , అర్చకులు, నాన్ అర్చకులు - అర్జం టుగా అటూ ఇటు తిరుగుతూ - మోబైల్‌లో చెవికోసిన మేకల్లగా , మిరప కాయలు తిన్న కాకుల్లగా మన దగ్గర వాళ్ళ స్పెషల్ స్టేటస్ చూపిస్తున్నట్లు అరుస్తూనే వుంటారు -తద్దినం పెట్టడానికి వచ్చిన బ్రాహ్మడు- మొబైల్‌ను తన యజ్నోపవీతం కన్నా పవిత్రంగా ధరించి ప్రదర్శిస్తూ ఉంటాడు - సెల్ నొక్కే ముందు- ప్రాచినవితి అనేసి తన సెల్‌లోకి దూరిపోతాడు.. - పచ్చి తెలుగులో అరుస్తో ఉన్న అతగాన్ని ‘బ్రహ్మగారూ..’ అని కేకేస్తే తప్ప ఆ పూనకం లోనుంచి బయటికి రాడు - అప్పుడు సవ్యం సవ్యం అంటాడు బ్రాహ్మణ దేవుడు.. ‘ఈ వెధవని ఇక నుంచి పిలవకండి’- అంటాడు యజమాని. ‘ఒక్కసారి నా ‘ట్యాబ్’ ఇట్లా అందుకోవా?’ అంటాడు ఆ నోటితోనే.
అంతా సెల్ ఫోను వ్యామోహితులే .. జగమంతా సెల్ బానిసలే .. అంటూ అవతలికి పోతారు టీన్స్ . ఇండియన్స్‌కి ‘తెగ వాగుతారు’ అని పేరుంది. కాని తెగ టెక్స్‌టింగ్ చేస్తారన్న అపవాదు వచ్చింది కూడా టెక్స్ట్ మేసేజీలు ఇవ్వడంలో -మనకన్నా మిన్న చైనా. ఆమాట కొస్తే మనకన్నా చాలా పొట్టిగా వున్నా చైనా దేశం అన్నింటా మనకి పెద్దన్న .. అసలు’ ఏకు నుంచి మేకు’ దాకా మనకి సప్ప్లై చేసే ఉదార శత్రువు’ చింగ్ చింగ్ చిన్’గే- అంటే ఈ ప్రా ‘‘చీనా’’ దేశం మాత్రమే అని ఒప్పుకోవాలి ..నీ చేత వున్న మొబైల్, నా చేత వున్నా మొబైల్ చార్జర్ మీద ఒట్టు - చైనా మేకే. అన్ని వాణిజ్య రంగాలో మనకి ఈ దేశం ఏకు మేకై కూర్చుందా?. ఔను ఈ మాటే కాంగ్రెస్ అధ్యక్షుడు రాహుల్జీ అంటే కోపా లోచ్చాయి కొందరు మోదీజీ ఫ్యాన్స్‌కి. అది అట్లుండ నిండు. మేక్ ఇన్ ఇండియా నినాదాలకు, నీతి మాటల మూటలకు ప్రపంచంలో ఏ దేశం కూడా ‘‘నమకు’’ (మనకి) సాటి రాదు.. దసరాకి దీపావళి కి కూడా మనకి పండుగ సరుకులు నేరుగా లేదా దొంగతనంగా అందించే నెంబర్ వన్ జనాభా దేశం చైనా ఒక్కటే -అన్నట్టు . మన శ్రీరామ చంద్రుడు చినీ చీనాంబరములు ధరించలేదా? ( ఈనాటి బంధమేనాటిదో) ప్రతి అయ్య యొక్క జేబులో - ప్రతి అమ్మడు యొక్క షోకు సంచీలో (వ్యానిటీ బ్యాగుకి స్వేచ్ఛానువాదం. )కొలువై ఉండునది చీనా మొబైల్ సుమా.
కాని , సదరు బీజింగుకి కూడా, ఈ మొబైల్ వ్యసనపరుల బెడద - రైల్వే స్టేషన్లలో ఏర్‌పోర్టులలో- వినోద విహార స్థలాల అన్నింటా ఒక తల నొప్పి అయిపోయింది .. అదేదో పరకిద్దాం.. ఎందుకంటే మన్ ‘‘దేశ నొక్కుడు బిజ్నేస్స్ గాళ్ళతో మనకి వున్న ‘యమాబెడద’ కీ ఏదైనా పైష్కామార్గం లభిస్తుందేమో. ..చూద్దాం.
చైనాలో కన్నా బ్రెజిల్‌లో ఎస్‌ఎంఎస్ చాటింగ్‌గాళ్ళ శాతం ఎక్కువట . అయినా -వాళళు పబ్లిక్ న్యూసెన్స్ కేసులేట్టేస్తారుట, కాని చైనా లో ఈ మొబైల్ పిచ్చాళ్లల్లో ఇరవై అయిదు నుంచి నలభై శాతం దాకా నొక్కుడు బిజినేస్సులో ఇంటా బయటా మునిగి తేలుతున్న యువ ప్రౌఢ సిటిజనులే గలరు . వీళ్ళని ముద్దుగా పాలకవర్గాలు -‘తలదించుకు పోయే శాల్తీలు’ అని పిలుస్తారు.. కొత్త పిచ్చి - వచ్చింది -ట్వీటింగు. అలా చిటుకు చిటుకు ఆబాల గోపలమూ -ఒక చేత సెల్ పట్టుకుని -కళ్లను బుల్లి స్క్రీన్కి అప్పగించి పరవశంగా నొక్కుతూనే వుంటారు.. సరే మన పిఎమ్‌లు, సీఎంలు నొక్కరా? అంటే-వాళ్ళకి వేరే నొక్కుడు తాబేదార్లు అసిస్టంట్‌లు గట్రా ఉంటారు. కాని సామాన్యులు ఎవరి మొబైల్ వాళ్ళే నొక్కుకోవాలి.. ముందే మొస్తున్నదో, ఎటు పోతున్నామో? చూసుకోకుండా తన్మయులై - సాగి పోయే మేధావులకు - మేసేజి లకోసం - ఓ.ఎం.జీ. - ఎల్. వో. ఎల్. లాంటి వెయ్యినొక్క - హ్రస్వ సంకేత పదములను - స్మైలీ లను వెకిలి బొమ్మలను కొందరు జీనిఎస్‌లు అరిమ్చి పెట్టారు-ఇవన్నీ- కరతలా మలకములే మన యువ మొబైల్ వినోదయోగ దారులకు . ఎల్వొఎల్ అనగా లాఫింగ్ లౌడ్ లీ -ఆహ్హహ్హా - ఓ మై గాడ్ (ఒఎమ్జి) . ఎదురుగ వస్తున్న మోటారువ్యానా? ..లేక ఓ వర్కంగు వనె్న లాడియా? అన్నది వాళ్లు కానరు.. కనులు మొబైల్ మీద మనసు మెసేజి మీదా - లేదా సెల్ చెవిలో.. తనువూ అవతల శాల్తీ వశములో.. ఉంటాయి.. తరులు-గిరులు - ప్రభంజనములు ఏమేమి అడ్డము రానీ - ముందుకు మున్ముందుకు పోతూనే వుంటారు. వీరి కన్నా ఘనులు మొబైల్ వీరులున్నారు వారికి ఫ్రంట్ బ్యాక్ బోటం టాప్‌లలో కెమరాలున్న స్మార్ట్ ఫోనులుంటాయి. కనబడ్డ ట్రాజాడీ కామెడీ దృశ్యములను చిత్రీకరించుతూ.. ఆఫీసులకు పోయి - సదరు దృశ్యములను-ఆఫీసు దారిలో.. అని ఫేస్‌బుక్‌కో ఇంస్టాగ్రామ్‌కో.. ఒక్క’ క్లిక్ ‘తో ఎక్కించేసి -అమ్మయ్య అనుకోని - పని మొదలు పెడతారు. ఈ సెల్ పక్షిగాళ్లను శకట, శకటేతర ప్రమదాలనుంచి - వీళ్ళ నుంచి ఇతరులకు కలిగే ప్రమాదాల నుంచి వారిని రక్షించాలనుకున్నది చైనా . హై రోడ్డు మీద - ‘నొక్కుకుంటూ తల భూమిలోకి దిమ్చుకుపోయే సెల్ దీక్షా పరుల కోసం వేరే కాలిబాట ఏర్పాటు చేశారు.. మొబైల్ మార్గం అట. మొబైల్ వాడుకుంటూ జాలీగాపోయే వారు మాత్రం ఈ ఫుట్పాత్ మీద ప్రయాణించాలి .. తతిమ్మవారు మిగిలిన కాలిబాటల మీద నడవాలి. ఇలా దక్షిణ చైనాలోని మహానగరం చోమ్క్వింగ్ -ఆదర్శ ప్రాయమైన మోబిఎల్ స్పెషల్ ఫుట్‌పాత్‌లను కలర్ ఫుల్ గా మొదలు పెట్టింది. ఈ తపో నిష్ఠ పరులు తల ఎత్తి చూడరేమో కదా? అని రోడ్డు మీద రంగురంగుల విభాజక రేఖలను - వాటితో పాటే నేల మీద పంచవర్ణ శోభిత సెల్ ఫోను బొమ్మలను- కూడా వేయించారు .. సెల్ వాయించుకుంటూ పోయే అందాల బొమ్మలం దరూ - గమనించండి ..మీ కోసం స్పెషల్ రూటు -అటు ఇటూ ఘాటు గీత ల మధ్య ఏర్పాటు చేశాము.. గమనించి వాటి మధ్యగా నడచి మీ ప్రాణాలను మా బుర్రలను కాపాడండీ .. అని దీపాల తోరణాలు కట్టి మరీ వార్నింగ్ లు గుప్పించారు- సో.. ఇతరులు వాడుకునే కాలిబాట ఇప్పుడు ఖాళీ గా ఉండి పోతోందిట .. గ్రుద్దుకున్నా ఆ ప్రాసెస్ లో ముద్దుకున్నా మాది కాదు భాద్యత అని అధికారులు పదే పదే చెబుతున్నారు.
ఈ ఏర్పాటు బాగుందేమోనన్న అనుమానంతో చైనాలోని మరికొన్ని నగరాలు - మొబైల్ కాలిబాటల ఏర్పాట్లను ముమ్మరం చేస్తున్నాయి .. ఎస్కలేటర్ల మీద కూడా రంగు చరాలు గీసి - ఈ చారలు - పరుగులు తీసే సెల్‌దార్లకు మాత్రమే అని రంగుల్లో రాయించి పెడుతున్నారు. కనీసం ఇరవై ఆరు శాతం వినియోగదారులు ఇలా రాదరులంట - పార్కులలో పబ్బుల్లో మెట్రో మీద గగన మార్గంలోను .. సందేశామృతం గ్రోలి -తిరిగి ఎదుటి సెల్ ప్రియులకు పం చుతున్నారట. టైం పాస్ గాళ్ళ సంఖ్య ఎక్కువగా అవుతున్నది అని ఓ అంచనా. అమెరికా, కెనడా లాంటి దేశాల్లో పిల్లకాయలు క్లాసులో మొబైల్స్‌ని వాడొద్దని చెబితే - నిర్లక్ష్యంగా నవ్వడమే కాదు, ఇటీవల డల్లాస్ స్కూలలో ఓ బాలిక తన సెల్ తీసుకున్న టీచర్‌మీద కలియబడి చావ బాదిందట! ఇతర విద్యార్థులు వీడియో తీసుకోడంలో నిమగ్నమైపోయారుట.
ఈ వేరే కాలిబాటల ఏర్పాటు మన వాళళు కూడా చేయవచ్చుగా.. సాధారణ పాదచారులను రక్షించిన వారవుతారని అన్నాడో సత్తేకాలపు సత్యనారాయణ.
బై ది బై వేరార్ అవర్ ఫుట్‌పాత్స్.. ఫైండ్ అవుట్ దెమ్ ఫస్ట్!

-- వీరాజియం....92900 99512