చెట్టెక్కిన జమిలి ఎన్నిక

‘ఈ పొలిటికల్ చదరంగంలో ఎవరికి ఎవరు సొంతమూ.. ఎంతవరకీ బంధమూ..’ -అని కూనిరాగం తీస్తూ వచ్చాడు పకోడీ ల రావు. రేపు ఎన్నికలు ఖాయం. నాలుగు కార్నర్‌లకో బజ్జీల సెంటర్ ని, పది సెంటర్లలో పది పకోడీ కార్నర్లు నడపగల ఉత్సాహాన్ని పుంజుకుని మాంచి ఊపు మీద ఉన్నాడు.. బజ్జీలదేముంది? పకోడీ ల దేమున్నది? కేసీఆర్ పకోడీ అన్నా మోదీ వాలా బజ్జీలు.. అన్నా హాట్ హాట్ గా అంటే కారం కారంగా చెల్లిపోతాయ్.. లోగడ మోదీ ఉచిత చాయ్ అన్నా -అలాగే ‘రాగా’ పాలు అనగా.. రాహుల్ గాంధీ మిల్కు అన్నా జనాలు సిప్ చేస్తూ ఒక్కలాగే తరించారా? లేదా? గాలి వాటం ఎటు ఉంటే అటు మన బంధమూ.. అని ఈ సారి ఎన్నికల్లో పార్టీకి ‘టీ’ సేవ చేస్తే - రేపు రాబోయే మునిసిపాలిటీ ఎన్నికలలో- వార్డు పదవి అయినా దక్కుతుంది అన్న ధీమా ఉన్న మేధావులు ఇప్పుడు సందు మొగన నిలబడి కన్నుగీటుతున్న తెలంగాణ ఎన్నికల సందడి ఎందరికో తాత్కలిక ఉపాధి కల్పిస్తుంది.
ఎన్నికల సంఘం ప్రత్యేక ప్రతినిధి పరిశీలన పూర్తయితే తేదీలు ఫిక్స్ అవ్వాలి. ఎందుకంటే, ఆరు నూరు అయినా నూరు ఆరయినా , తెలుగు దేశం -కాంగ్రేస్సులు వింత కాపురం మొదలుపెట్టక పోతే -అయ్య కోసం అమావాస్య ఆగదు. మార్చి ఆరో తేదీనాటికీ కొత్త అసెంబ్లీ సమావేశామవ్వాలి. మహాకూటమిలో మహా అయితే చేరే పార్టీలు ప్రధానంగా మూడే మూడు. పోయినసారి ఎన్నికలో కాంగ్రెస్, తెదేపాలు -విడివిడిగా పోటీ చేసి దండుకున్నవోట్లను కూడపెట్టి చూస్తే - కేసీఆర్ దోచుకున్న వోట్లకన్నా కొంచెం ఎక్కువ అవుతాయి. అదే- సో కాల్డ్ మహా కూటమి ఆశ. కాని ఆ వోట్లు అలాగే కట్టకట్టుకొని -ఉండి పోయి -టీఆరెస్ వోట్లు చిందర వందర అయిపోయి కూటమి డబ్బాలో పడిపోతాయి- తెరాస కి జనాలు మొండి చెయ్యి చూపిస్తారు -లాంటివి - ఇవన్నీ ఊహాగానాలు. ఇప్పుడు ఈ వింత సంగమంలో - అయితే గియితే కొత్తకోదండంగా టిజేఎస్ పార్టీ చేరుతుంది. కాకపోతే కాసిన్ని వోట్లే పోయినసారి ఎన్నికలలో పోగు చేసుకున్న కమ్యూనిస్టుల కలయిక, ఎర్రరంగుని అన్ని చోట్లా ప్రదర్శిస్తూ అందరి దృష్టిని ఇటు ‘మహా’ కే - మన వోటు, మహాకూటమి కేనంటూ -ప్రచారభేరి మోగించడానికి అంది వస్తుంది.
ఎంత కాన్ఫీడన్సు లేకపోతె ఓ రెండు పుంజీల సీట్లు తప్ప మిగాతవన్నీ -ప్రకటిస్తాడు చంద్ర శేఖర రావు? ఓ వీరాభిమాని అన్నాడు- తెలంగాణ కేసీఆర్ సొంతబిడ్డ- దాని విధాత, నిర్మాత అన్నీ ఆయనే. దాన్ని బంగారుభూమి గా చేసేశాక దున్నుకొనే హక్కు కూడా తనకొక్కడికే ఉందని -చాలామంది అభిమానుల అభిప్రాయం. అలాంటప్పుడు - వడ్డించిన విస్తరి లాగ వున్న పరిపాలనా యంత్రంగాన్ని -బండ మెజారిటీ ని, వదిలేసి - ఎందుకు అర్జంటుగా అసెంబీని రద్దు చేసి గవర్నర్ చేత నిశానీ గుద్దించి -ఇట్లా వీరంగం వేసినట్లు? ఇది అంతు చిక్కకనే విశే్లషక వీరులు, టీవీ చర్చాసురులు తలలు పట్టుకొని -నోరు పారేసుకుని- బేగానీ షాదీ మే అబ్దుల్లా దివానా- అనట్లు మహా ఇదైపోతున్నారు. ఆపద్ధర్మ ముఖ్య మంత్రి అవడంలో మజా ఉండే ఉంటుంది.. పొద్దునే్న జనాలు లేచేపాటికి -చిత్ర విచిత్ర వరాల జల్లు కురిపించి హెడ్‌లైన్లలో కెక్కాలి అన్నయావ ఉండదు. ఇచ్చిన వరాలు ఆనక గద్దె ఎక్కిన తరువాత గాని ‘‘ కన్సిడర్’’ చెయ్య నక్కరలేదు. ఒక సారి చరిత్ర సృష్టించిన వాడికి మరో చరిత్రకి ఇది రాజ్యంగ మార్గం అయింది. ఒక కొత్త రాష్ట్రాన్ని నిర్మించి -ఓహో ! మని జేజేలు అందుకున్నవాడికి ఇది ఇంకో చరిత్ర చేసే చాన్సు! పాపం ! గచ్చపిక్కలు తీసిపెట్టిన పిల్లి లాంటి వాడు -కేసీఆర్‌కి అంకితమై ఆంధ్రులను ఇష్టమొచ్చినన్నీ మాటల ఈటెలతో పొడిచి పోటుగాడిని అనిపించుకున్నవాడు -కేసీఆర్ రాముడైతే నేను అతని కోదండం.. అనుకున్న ప్రొఫెసర్ -ఇవాళ -నేను సయితం కేసీఆర్ ని గద్దె దిగేదాకా -బల్ల దిగను అంటూ -రంగం లోకి దిగడం ఒక విరోదాభాసాభాస. అందుకే మన పకోడీ ల రావు పాడిన తత్త్వం పాట -ఎవరికీ ఎవరు సొంతమూ ఎంతవరకీ బంధమూ అంటూ చేసిన విశే్లషక గుళిక.
మన శత్రువు యొక్క ఎనిమీ మనకి ఫ్రెండు. కాకపోతే , కోదండరాం అంబులపొదిలో పాత బాస్ మీద ఆరోపణల చిట్ట్టా ఏమీ లేదు..చేసిన బాసలు నెరవేర్చలేదు అన్న ఎటాక్ చెయ్యగలడు. అన్ననోట అనిపిస్తాడు తిన్ననోటే తినపిస్తాడు అని సామెత -అట్లాగా కోదండరాం గారు కూటమిలో చేరినాకా 119 నియోజకవర్గాలలోను తిరుగుతూ దండాలు పెట్టీ మరీ కూటమికే మీ వోటు- అని మరోసారి రోడ్డున పడాలి. ఆయన మహాకూటమి నుంచి 32 సీట్లు కోరుతున్నాడని వాళళు ఎనిమిది నుంచి పనె్నండు కన్నా ఎక్కువ సీట్లు వదులుకోము అంటున్నారుట. చంద్రబాబు నాయుడిలాగా కింగు మేకరు. రింగు మాస్టారు కాదు. సురేష్ రెడ్డిలాగా ఎవరయినా వస్తే వెల్కం -నేను మరో దండ వేయించుకుంటాను అనగల గడసరి ‘కే ‘ గారు.. ఎందరో అన్నారు కానీ ఆదివాసి సంఘం సెగ , అసమ్మతి పొగ ఎంతవారలకైన తప్పవు సుమతీ !- ఇట్లా అసెంబ్లీని అర్ధంతరంగా రద్దు చేసేస్తే, రాష్టప్రతిపాలన కావాలని గొడవ చేస్తారు అని. కేంద్రం తలచుకుంటే మోదీ మహాశయుడు -రాష్టప్రతిపాలన తెప్పించే వాడే కాని , ఎందుకు? అర్నేలలలో ఎనికలు వస్తే -ఎలాగు వాళ్ళ పార్టీ నెగ్గదు. తాంబూలాలు తీసుకుని తన్నుకు చావడం ఎందుకు? తమాషా చిత్తగించమనడం లో మజా ఒకటే కాదు సదుపాయం కూడా ఉంది.
భాజపా లక్ష్యం -ఇవాళ కలలోనూ ఇలలోనూ కూడా రాహుల్ గాంధీ పార్టీని ఓడించాలి అన్నది ఒక్కటే. కాగల కార్యం గంధర్వులే తీరుస్తారు అన్నట్లు - టిడిపి -కాంగ్రెస్‌లు జమిలి గా గయెం గయెం అయిపోతే చాలు.. కాకపోతే మోదీ అండ్ షా లు అనుకున్నట్లు -జమిలి ఎన్నికలు లేవు.. రేపు 2019లో లోక్‌సభకి ఒకే దేశం- ఒకే ఎన్నిక నై చలేగా .. అసలు జమిలికి ఇటీవల తల ఊపినా.. రాజ్యంగ సవరణ ఎనికల చట్టం లో పద్నాలుగవ సెక్షన్ మార్పు ఇవన్నీ చెయ్యాలి.. అంచేత జమిలి గా లోక్‌సభ అండ్ శాసన సభల ఎన్నికలు కాదు కదా.. ఎన్నికలకి రెడీ అయి కూర్చున్న రాజస్తాన్ ,్ఛత్తీస్ గఢ్ , మధ్యప్రదేశ్‌ల అసెంబ్లీ ఎన్నికలు కూడా ఒకేసారి తెలంగాణ ఎన్నికలతో కలసి జరగకూడదు అనే, కేసీఆర్ ఈ రెండు పిట్టల కోకదెబ్బ గా కొట్టాడు. నేను తెలంగాణ కారు డ్రైవర్ సీట్లో వుండాలి - నువ్వు కాదు అన్నమాట కేసేఆర్ గారు చెప్పకనే చెప్పాడు. పెట్రోల్ ధరలమీద -దేశం అంతా గగ్గోలు ఎత్తింది - ఆఖరికి నిన్నటి దాకా అన్ని యోగాసనాలు వేసిన యోగా పతంజలి రామ్ దేవ్ కూడా - భాజాపాకి రామ్ రామ్ - రేపు వచ్చే లోక్‌సభ ఎన్నికలలోనా షో లు ఉండవు- అన్నాడు పైగా . పెట్రోల్ ధరలు తగ్గించడం చేత గాక పొతే- ‘ నా కిచ్చేయ్ ‘ ఆ పని నేను చేసి చూపెడతాను.. - నేను దేశవ్యాప్తంగా ఇంధన చముర్ని ముఫ్హై నలభై రూపాయల రేటుకే అమ్ముతాను అని కూడా అనేశాడు. సన్నాసికేమి భయం ?అనకండి - కోటానుకోట్ల వ్యాపారం చేసే సన్యాసి రామ్ దేవ్- భాజపా ఎన్నికల ప్రచార రథం ఎక్కిం చబడ్డ అమిత్ షా ఈ మాటకి సమాధానం చెప్పాలి మరి?-అన్నాడో ఆంధ్రుడు. ఆంధ్ర,రాజస్తాన్, బెంగాల్ చివరికి కర్ణాటక సహా పెట్రోలు మీద ముదరా ప్రకటిస్తూ వుంటే -కేంద్రం గాని భాజపా కాని మిత్రులు గాని మాట్లాడలేదు. పైగా , మేము శివసేన తోనే పొత్తు కేర్ చెయ్యం అన్నాము -ఇక టిఆర్‌ఎస్ తో త్తేమిటి? అని అమిత్ గారు హైదరాబాదు వచ్చి -మరీ గర్జించాడు. ‘అదే అదే .. రేపు జనరల్ ఎలక్షన్లో అనమను ఈమాట.. మా దత్తాత్రేయని కూడా తీసేసి ఇంటికి పంపేసిన భాజాపా -అభ్యర్థుల మీద రెండు తెలుగు రాష్ట్రాలు ఎక్కేస్తాయి అప్పుడు తెలుస్తుంది- అని అన్నాడో స్టూడెంట్. తెలంగాణ ఎన్నికలలో మీ బలాలు, బలగాలు చూసుకుని పొత్తులు కుదుర్చుకొండి-సమయం లేదు అని మాత్రం హెచ్చరించి కర్నూలు నుంచి తిరిగి దిల్ల్లీ వెళ్ళిపోతూ హైదరాబాద్‌లో చెప్పాడు రాహుల్ జీ. తెలంగాణ ఎన్నికలలో - చంద్రబాబు వచ్చి కూటమికి ప్రచారం చెయ్యాలని -రాహుల్ గాంధీ అభిలషిస్తున్నట్లు భోగట్టా.. కోర్టు వారెంట్ల గోలే భరిస్తాడా? .. ఎన్నికల టూర్‌లే చేస్తాడా.. బాబు గారు? మరి ప్రత్యేక హోదా కావాలి అంటే ఊరక వస్తుందా?
హూ ఈజ్ టు మాన్ ది మహాకూటమి? .. ఐ సే!