అంతర్జాతీయం
తుది ఘట్టానికి పర్యావరణ చర్చలు
S ,7 à 8 RSCA (si SASPAS) et 6 cialis pharmacie cialis rapports de stage.
ఒప్పందం ఖరారుకు నేటినుంచి మంత్రుల చర్చలు సానుకూల దృక్పథంతో చర్చలకు వెళ్తున్నాం: జావడేకర్
లీ బౌర్గెట్ (ఫ్రాన్స్), డిసెంబర్ 6: కర్బనపు ఉద్గారాలను పరిమితం చేయడానికి వీలుగా పరస్పర భిన్నమైన ప్రతిపాదనలున్న ముసాయిదాను ఒక పటిష్ఠమైన ఒప్పందంగా మార్చడానికి ఇక్కడ సమావేశమైన ప్రపంచ దేశాలకు చెందిన పర్యావరణ శాఖ మంత్రులంతా కూడా ఈ వారమంతా శ్రమించనున్నారు. కాగా, ఎన్నో అంచనాలున్న ఈ చర్చలకు సానుకూల దృక్పథంతో వెళ్తున్నట్లు భారత్ స్పష్టం చేసింది. ప్రపంచ దేశాలన్నీ కట్టుబడి ఉండే ఒప్పందాన్ని రూపొందించడానికి మన దేశానికి చెందిన ప్రకాశ్ జావడేకర్‌సహా ప్రపంచ దేశాలకు చెందిన మంత్రులు జరిపే ప్రయత్నానికి 48 పేజీలుండే ముసాయిదా ఒప్పందం ప్రాతిపదిక కానుంది. సోమవారంనుంచి ప్రారంభమయ్యే మంత్రుల స్థాయి చర్చలతో 12 రోజుల పాటు ఇక్కడ జరిగే పర్యావరణ చర్చలు చివరి దశకు చేరుకుంటాయి. కాగా, వచ్చే వారం చివరికన్నా ముందే ఒక ఒప్పందానికి రాగలమని, దారుణంగా విఫలమైన 2009 నాటి కోపెన్‌హాగెన్ శిఖరాగ్ర సమావేశం పునరావృతం కాకుండా చూడగలమన్న గట్టి నమ్మకంతో చర్చలు జరుపుతున్న మంత్రులున్నారు. కాగా, పారిస్‌లో కుదరబోయే ఒప్పందం ఏదయినా భూతాపాన్ని రెండు డిగ్రీల సెల్సియస్, అంతకన్నా తక్కువకు తగ్గించేదిగా మాత్రం ఉండకపోవచ్చని విశే్లషకులు అంటున్నారు.
భారతదేశ వైఖరి ఇంతకుముందు వ్యతిరేకించడంగా ఉండేదని, అయితే ఇప్పుడు మరింత చురుకైన పాత్రను పోషిస్తోందని, మనం ఇప్పుడు అనేక కొత్త ప్రతిపాదనలు చేసామని, వాటిపై ఇప్పుడు ప్రధానంగా చర్చ జరుగుతోందని ఈ కీలక చర్చల్లో పాలు పంచుకోవడం కోసం సోమవారం పారిస్‌కు చేరుకోనున్న కేంద్ర పర్యావరణ శాఖ మంత్రి ప్రకాశ్ జావడేకర్ చెప్పారు. పారిస్‌నుంచి వెలువడే తుది ఫలితంపై భారత్ ఎంతో ఆశావహంగా ఎదురు చూస్తోందని, మన దేశం సమస్యలో భాగం కానప్పటికీ సమస్యకు ఒక పరిష్కారం కుదిరేలా చేసే మధ్యవర్తిగా ఉంటుందని జావడేకర్ అన్నారు. ఇప్పుడు కావలసింది అభివృద్ధి చెందిన దేశాలు తాము ఇచ్చిన హామీని నిలబెట్టుకోవడమని ఆయన అన్నారు. కర్బన ఉద్గారాలను అత్యధికంగా విడుదల చేసే దేశాల్లో భారత్ మూడో స్థానంలో ఉందని చాలామంది అనుకుంటారని, అయితే అది వాస్తవం కాదని ఆయన అన్నారు. 29 శాతంతో చైనా మొదటిస్థానంలో ఉండగా, 16 శాతంతో అమెరికా రెండో స్థానంలో, 10 శాతంతో ఐరోపా మూడో స్థానంలో ఉన్నాయని, 5 శాతంతో భారత్ నాలుగోస్థానంలో ఉందని చెప్పారు. మొదటి మూడు స్థానాల్లో ఉన్న దేశాలు కలిసి 56 శాతం ఉండగా, భారత్‌ది అయిదు శాతమేనని జావడేకర్ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.