రాష్ట్రీయం
‘గాంధీ’లో మరో 22 మంది!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/సికిందరాబాద్, మార్చి 16: ప్రపంచాన్ని గడగడలాడిస్తున్న కరోనా మహమ్మారి పాజిటివ్ కేసుల సంఖ్య సికిందరాబాద్ గాంధీ ఆసుపత్రిలో నాలుగుకి చేరింది. ఇప్పటికే ఖమ్మం జిల్లాకు చెంది న ఓ మహిళ, ఇటలీ స్కాట్‌లాండ్‌కు చెందిన ఇద్దరు ఉండగా, రంగారెడ్డి జిల్లాకు చెందిన మరొకరు ఐసోలేషన్ వార్డులో చికిత్స పొందుతున్నారు. తాజాగా సోమవారం మరో 22 మంది అనుమానితులను గాంధీ ఆసుపత్రిలో చేర్చుకున్నారు. ఈ ఒక్కరోజే 62 మంది బాధితులు దగ్గు, జ్వరం, శ్వాస సంబంధిత సమస్యలతో ఆసుపత్రికి రాగా, వారిలో 22 మందిని మాత్రమే వైద్యులు ఆసుపత్రిలో చేర్చుకుని మిగిలిన వారికి కౌనె్సలింగ్ ఇచ్చి ఇంటికి పంపారు. ప్రస్తుతం గాంధీ ఆసుపల్రోని ఐసోలేషన్ వార్డు ఇప్పటికే కరోనా వైరస్ పాజిటివ్ రిపోర్టు వచ్చిన బాధితుల ఆరోగ్యం నిలకడగానే ఉందని, వారంతా క్రమంగా కోలుకుంటున్నట్లు సమాచారం. సోమవారం నాటికి అనుమానితులు 25 మంది కాగా, పాజిటివ్ బాధితుల సంఖ్య నాలుగుకు పెరిగింది. తాజాగా చేరిన 22 మందికి వైద్యులు పరీక్షలు నిర్వహించనున్నారు. గాంధీలో పరీక్షలు నిర్వహించిన తర్వాత వచ్చిన రిపోర్టులను పూణెలోని వైరాలజీ ల్యాబ్‌కు పంపి ఖరారు చేసుకోనున్నారు.
ఇక నేరుగా క్యారెంటైన్‌కే..
నగరంలో కరోనా వైరస్ వ్యాప్తి చెందేందుకు నగరానికి వివిధ దేశాల నుంచి వస్తున్నవారే ప్రధాన కారణమన్న విషయాన్ని ఆలస్యంగానైనా గుర్తించిన అధికారులు ఇకపై విదేశాల నుంచి వచ్చే వారిని ఎయిర్‌పోర్టు నుంచి నేరుగా క్యారంటైన్ కేంద్రానికి తరలించనున్నారు. ఇప్పటికే గచ్చిబౌలి స్టేడియంలో ప్రత్యేక ఏర్పాట్లు చేసి, అక్కడి నుంచే క్యారంటైన్ కేంద్రానికి తరలించనున్నారు. క్యారెంటైన్ కేంద్రంలో కరోనా వైరస్ లక్షణాలేమైనా కన్పిస్తే, అక్కడి నుంచి నేరుగా ఆసుపత్రికి తరలించనున్నారు. ఈ ప్రయత్నం అనుకున్నట్టుగా ఫలిస్తే నగరంలో కరోనా వైరస్ వ్యాప్తి తీవ్రత బాగా తగ్గే అవకాశముంటుంది.
*చిత్రాలు.. . కరోనా వైరస్ వ్యాప్తి నేపథ్యంలో సోమవారం గాంధీ ఆసుపత్రిలో మాస్క్‌లు ధరించి వచ్చిన రోగులు, ఆసుపత్రి సిబ్బంది
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.