తెలంగాణ
హరీష్‌రావుతో రాజ్‌గోపాల్‌రెడ్డి మంతనాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 17: కాంగ్రెస్ ఎమ్మెల్యే కోమటిరెడ్డి రాజ్‌గోపాల్‌రెడ్డి మంగళవారం అసెంబ్లీ లాబీల్లో మంత్రి హరీశ్‌రావుతో మంతనాలు జరిపారు. లాబీల్లో పాలక, ప్రతిపక్ష సభ్యులు ఎదురుపడినప్పుడు కరచాలం, పలకరింపులకే పరిమితం అవుతారు. కానీ రాజ్‌గోపాల్‌రెడ్డి హరీశ్‌రావుతో సుమారు అర గంట పాటు భేటీ కావడం ఇటు టీఆర్‌ఎస్, అటు కాంగ్రెస్ సభ్యుల్లో చర్చనీయాంశమైంది. నల్లగొండ జిల్లా మునుగోడు నుంచి కాంగ్రెస్ ఎమ్మెల్యేగా గెలిచిన రాజ్‌గోపాల్‌రెడ్డి బీజేపీలో చేరబోతున్నట్టు ప్రచారం జరుగుతోన్న విషయం తెలిసిందే. ఈ నేపథ్యంలో రాజ్‌గోపాల్‌రెడ్డి తాజాగా హరీశ్‌రావుతో మంతనాలు జరపడంతో టీఆర్‌ఎస్‌లో చేరుతారేమోనన్న అనుమానాన్ని కూడా కొందరు వ్యక్తం చేశారు. శాసనసభలో రాజ్‌గోపాల్‌రెడ్డి మాట్లాడుతూ తెలంగాణ కోసం ఎంపీగా పార్లమెంట్‌లో కూడా తాను ఎంతో పోరాడానని, తెలంగాణ రాష్ట్రాన్ని సాధించిన ఉద్యమనేతగా సీఎం కేసీఆర్ అంటే ఎంతో తనకు ఎంతో గౌరవం ఉందని పొగిడారు. ఈ వ్యాఖ్యలు, ఆ భేటీకి ఏదైనా లింక్ ఉందా? అనే కోణంపై కూడా లాబీల్లో చర్చ జరిగింది.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.