రాష్ట్రీయం
3 రోజుల్లో మాస్టర్ ప్లాన్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 20: మరో మూడురోజుల్లో అమరావతి మాస్టర్ ప్లాన్, ఈనెల 29లోగా రాజధాని డ్రాఫ్ట్ ప్లాన్ సిద్ధమవుతాయని రాష్ట్ర పురపాలక మంత్రి పి నారాయణ వెల్లడించారు. ఆదివారం సాయంత్రం ఇక్కడ తనను కలిసిన మీడియా ప్రతినిధులతో మాట్లాడుతూ డ్రాఫ్ట్ మాస్టర్ ప్లాన్ నోటిఫై చేసిన తరువాత సిఆర్‌డిఏ చట్టం సెక్షన్ 10(1) ప్రకారం నెల రోజుల పాటు రైతుల అభ్యంతరాలకు సమయం కేటాయిస్తామన్నారు. అభ్యంతరాల పరిశీలన, పరిష్కారం అనంతరం డ్రాఫ్ట్ పనులు వేగవంతం అవుతాయని వివరించారు. రాజధాని నిర్మాణం కోసం స్వచ్ఛందంగా భూములిచ్చిన రైతులకు జనవరి 30న ప్లాట్లు కేటాయించనున్నట్టు ప్రకటించారు.
విజయవాడ -అమరావతి -గుంటూరు ఎనిమిది లేన్ల రహదారి నిర్మించనున్నట్టు చెప్పారు. 50మీటర్ల వెడెల్పుతో దీన్ని నిర్మించే ఆలోచన ఉందన్నారు. దీనిలో భాగంగానే రెండు సర్వీస్ రోడ్లు ఉంటాయన్నారు. సిఆర్‌డిఎలో దీనిపైనే ఆదివారం విస్తృతంగా చర్చించామన్నారు. ఈనెల 29లోగా అథార్టీలో అప్రూవ్ చేసి, తరువాత టెండర్ల ప్రక్రియ మొదలు పెట్టే ఆలోచన ఉందన్నారు. వీలైనంత త్వరగా దీన్ని పూర్తి చేయాలన్న ఆకాంక్షతో ముఖ్యమంత్రి చంద్రబాబు ఉన్నారన్నారు.
ఇటీవలే కేంద్ర జాతీయ రహదారుల మంత్రి గడ్కరీ రాష్ట్రంలో పర్యటించి రహదారుల ఆవశ్యకతపై కేంద్ర విధానాన్ని స్పష్టం చేసిన విషయాన్ని ఈ సందర్భంగా మంత్రి నారాయణ గుర్తు చేశారు. ఎపీ నూతన రాజధాని అమరావతి చుట్టూ 210 కిలోమీటర్ల మేర నిర్మించనున్న ఔటర్ రింగ్ రోడ్డుకు 7 వేల 700 ఎకరాల భూమి అవసరం ఉందన్నారు. ఈ భూమిని భూసమీకరణ ద్వారా సేకరించాలా, భూ సేకరణతో స్వీకరించాలా అన్న విషయాన్ని సిఆర్‌డిఎలో చర్చించి నిర్ణయం తీసుకోవాల్సి ఉందన్నారు. ఈ బాహ్య వలయ రహదారి పరిధిలోనే గ్రీన్‌ఫీల్డ్ ఎయిర్‌పోర్టు నిర్మాణం చేపట్టేలా చర్యలు తీసుకుంటున్నట్టు చెప్పారు. దీనికీ సుమారు 7.5వేల ఎకరాల వరకూ భూములు అవసరం ఉంటుందన్నారు. భూములు గుర్తించే బాధ్యతను సిఆర్‌డిఎ అడిషినల్ కమిషనర్ మల్లికార్జునకు అప్పగించామన్నారు. ఎయిర్‌పోర్టు అథార్టీతో అడిషినల్ కమిషనర్ సంప్రతింపులు జరిపి, భూములను గుర్తిస్తారన్నారు. రాజధాని ప్రాంతంలో యువతకు ఉపాధి కల్పించేందుకు ప్రత్యేక శిక్షణ కేంద్రాలు ఏర్పాటు చేయనున్నట్టు నారాయణ వెల్లడించారు. చెన్నై నగరాన్ని బూచిగా చూపి అమరావతిని అడ్డుకోవద్దంటూ మంత్రి నారాయణ విపక్షాలకు విజ్ఞప్తి చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.