రాష్ట్రీయం
రోజాపై ఏడాది వేటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 18: ముఖ్యమంత్రి చంద్రబాబు నాయుడుపై అనుచిత వ్యాఖ్యలు చేసిన వైఎస్సార్ కాంగ్రెస్ పార్టీ ఎమ్మెల్యే ఆర్‌కె రోజా అసెంబ్లీ నుంచి ఏడాది పాటు సస్పెన్షన్‌కు గురయ్యారు. కాల్‌మనీ వ్యవహారంపై శుక్రవారం అసెంబ్లీలో టిడిపి-వైకాపా ఎమ్మెల్యేల మధ్య తీవ్ర స్థాయిలో వాగ్వివాదం జరిగింది. ఒక దశలో రోజా ముఖ్యమంత్రి చంద్రబాబు స్థానం వరకూ వెళ్ళి ‘కాల్ మనీ, కాల్ చంద్రబాబు, కామ చంద్రబాబు..’ అని వ్యాఖ్యానించారు. దీనిపై చంద్రబాబు మండిపడ్డారు. ఈ దశలో టిడిపి ఎమ్మెల్యేలు దూళిపాళ్ళ నరేంద్ర, అనిత మాట్లాడుతూ రోజాపై చర్య తీసుకోవాలని కోరారు. ఈ మేరకు శాసనసభా వ్యవహారాల శాఖ మంత్రి యనమల రామకృష్ణుడు రోజాను ఏడాది పాటు సస్పెండ్ చేయాల్సిందిగా స్పీకర్‌ను కోరుతూ తీర్మానాన్ని ప్రతిపాదించగా, టిడిపి, బిజెపి ఎమ్మెల్యేలు ఆ తీర్మానాన్ని ఆమోదించారు. దీంతో స్పీకర్ కోడెల శివప్రసాద రావు రోజాను ఏడాది పాటు సస్పెండ్ చేశారు. ఆమెను సభ నుంచి బయటకు వెళ్ళాల్సిందిగా స్పీకర్ సూచించినా ఆమె పట్టించుకోకుండా కూర్చున్నారు. ఆమె బయటకు వెళితే తప్ప తాను ప్రతిపక్ష నేత జగన్‌కు మాట్లాడేందుకు అనుమతి ఇవ్వనని స్పీకర్ ఖండితంగా చెప్పారు. బిజెపి ఎమ్మెల్యే రామకృష్ణంరాజు మాట్లాడుతూ ఉరి తీసే ముందు కూడా చివరి కోరిక అడుగుతారని, రోజాకు మాట్లాడేందుకు అవకాశం ఇవ్వాలని సూచించారు. యనమల మాట్లాడుతూ ఉరితో పోల్చకూడదని, ఏడాది వరకు సస్పెన్షన్ మాత్రమేనని అన్నారు. రోజా సభ నుంచి వెళ్ళకపోతే కాల్‌మనీపై చర్చ ముగించినట్లుగా భావించాల్సి ఉంటుందని అన్నారు. దీంతో వైకాపా ఎమ్మెల్యేలు ఆమెకు నచ్చజెప్పి బయటకు పంపించారు. జగన్ మాట్లాడుతూ ఏడాది పాటు సభ నుంచి సస్పెండ్ చేయరాదని, ప్రివిల్లేజస్ కమిటీకి సిఫార్సు చేయకుండానే సస్పెండ్ చేశారని విమర్శించారు.
కంట తడి పెట్టిన రోజా
రోజా కంట తడి పెట్టారు. ఈ సందర్భంగా ఆమె మాట్లాడుతూ తనపై ప్రభుత్వం కక్ష కట్టిందని ఆవేదన చెందారు. ప్రభుత్వాన్ని నిలదీస్తున్నందుకే సభ నుంచి బయటకు పంపించారని విమర్శించారు.
అసెంబ్లీలో ప్రసంగిస్తున్న రోజా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.