రాష్ట్రీయం
డార్క్‌నెట్.. ఉగ్ర సవాల్?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 25: పోలీసులు, సైబర్ నిపుణుల కళ్లుగప్పి కొత్త సాంకేతిక పరిజ్ఞానంతో ఉగ్రవాదులు తమ సమాచారాన్ని పరస్పరం మార్పిడి చేసుకుంటున్నారు. మొదటి నుంచి హైదరాబాద్ పరిసరాలు, తెలంగాణలోని కొన్ని జిల్లాల్లో ఉగ్రవాద సానుభూతిపరులున్న ప్రాంతాలుగా ముద్రపడటంతో, వీరి కదలకలపై పోలీసులు నిఘా పెంచారు. సామాజిక మాధ్యమాలు, ఫేస్ బుక్ ద్వారా సమాచార మార్పిడికి పాల్పడితే దొరికిపోతున్నామనే అనుమానంతో ఉగ్రవాద సానుభూతిపరులు కొత్తగా డార్క్‌నెట్‌ను ఆశ్రయిస్తున్నారు. రోజురోజుకూ పెరుగుతున్న సాంకేతికతకు అనుగుణంగా టెర్రరిస్టులు కూడా తమ పంథా మార్చుకుంటూ కొత్త అంతర్జాలం వైపుదృష్టి సారిస్తున్నారు. ఉగ్రవాదులు ఎక్కడ, ఎప్పుడు, ఎలాంటి దాడులు నిర్వహించాలో క్షణాల్లో సమాచారాన్ని అందిపుచ్చుకునేందుకు వీలుగా డార్క్‌నెట్‌ను వినియోగిస్తున్నట్టు సమాచారం. ఇస్లామిక్ స్టేట్ ఉగ్రవాద సంస్థ ప్రపంచంలోని అగ్ర దేశాలపై దాడులకు పూనుకోవడం, ప్రపంచవ్యాప్తంగా సిరియా కేంద్రంగా ఐఎస్ రిక్రూట్‌మెంట్ జరుపుకోవడం, ఉగ్రవాద భావాజాలాన్ని ప్రేరేపిస్తూ యువతను ఆకర్షించడం వంటి అంశాలను ఇంటర్నేషనల్ ఇనె్వస్టిగేషన్ విభాగం కనిపెట్టింది. ఐఎస్ సానుభూతిపరులు అరెస్టైన సందర్భంగా జరుపుతున్న ఇంటారాగేషన్‌లో బయటపడుతున్న నిజాలతో ఐఎస్‌ఏ అధికారులు అప్రమత్తమై ఫేస్‌బుక్ ఖాతాలు, సర్వీసు ప్రొవైడర్ల ద్వారా ఉగ్రవాదుల స్థావరాలు, సానుభూతిపరుల వివరాలను కనుగొంటున్న నేపథ్యంలో ఐఎస్ కొత్త అంతర్జాలం ‘డార్క్‌నెట్’ను వినియోగిస్తోంది. ఇదే దేశంలోని నిఘా విభాగానికి, అంతర్జాతీయ భద్రతా ఏజెన్సీ, ఇంటెలిజెన్స్ బ్యూరోలకు తలనొప్పిగా పరిణమిస్తోంది. ఉగ్రవాదుల వివరాలు సేకరించాలన్నా, సానుభూతిపరులను కనిపెట్టాలన్నా, అత్యాధునిక టెక్నాలజీని వినియోగిస్తున్న భద్రతాదళాలకు ఉగ్రవాదుల డార్క్‌నెట్ అంతర్జాలం అంతుచిక్కడం లేదు. ఇది నిఘా వర్గాలకు పెను సవాలుగా మారిందని సాంకేతిక నిపుణులు పేర్కొంటున్నారు. డార్క్‌నెట్ సమాచారంపై కేవలం ఐదు శాతం సాంకేతికతను మాత్రమే కనుగొన్నట్టు తెలుస్తుందని ఇ2ల్యాబ్స్ అధికారులు నిఘా వర్గాలకు తెలిపినట్టు తెలిసింది. కన్సల్టింగ్ ఇనె్వస్టిగేటింగ్ అకాడమి పలు ఇంటెలిజెన్స్ అధికారులకు శిక్షణ కూడా ఇచ్చినట్టు ఇనె్వస్టిగేషన్ బ్యూరో అధికారి ఒకరు తెలిపారు. ఇదిలావుంటే, గత సెప్టెంబర్‌లో పోలీసులు అరెస్టు చేసిన ఐఎస్ సానుభూతిపరురాలు నిక్కీజోసెఫ్ అలియాస్ అఫ్షాజుబేన్‌ను విచారించగా భారత్‌లో 50మంది సానుభూతిపరులున్నారని పేర్కొనడం నిఘావర్గాల్లో కలకలం సృష్టించింది. అయితే వారిని గుర్తించి పట్టుకోవడానికి నిఘావర్గాలు చేస్తున్న ప్రయత్నాన్ని తిప్పికొట్టేందుకు కూడా ఐఎస్ సానుభూతిపరులు డార్క్‌నెట్ ద్వారా తమ కార్యకలాపాలు నెరపడంతో ఐబీకి అంతుచిక్కడం లేదని ఓ సిఐడి అధికారి పేర్కొన్నారు. ఏదేమైనప్పటికీ ఇస్లామిక్ స్టేట్ ఉగ్రవాదులు కొత్త అంతర్జాలం డార్క్‌నెట్ వినియోగంపై ఇనె్వస్టిగేషన్ బ్యూరో దృష్టి సారించింది. ఆ దిశగా ఉగ్రదాడులను ఎదుర్కొనేందుకు, ఉగ్రవాదులు వినియోగిస్తున్న డార్క్‌నెట్ అంతర్జాలంపై నిఘావర్గాలు కొత్త వ్యూహం రచిస్తున్నట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.