రాష్ట్రీయం
చండీయాగానికి భారీగా భక్తజనం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం: ఖమ్మం జిల్లా కల్లూరు మండలం నారాయణపురం గ్రామంలో మాజీ ఎంపీ పొంగులేటి శ్రీనివాసరెడ్డి ఆధ్వర్యంలో నిర్వహిస్తున్న సహస్ర చండీ యాగం మూడవ రోజు మంగళవారం ఉదయం, సాయంకాల సమయాల్లో కన్నులపండువగా పూజలు నిర్వహించారు. యాగపూజలను కనులారా చూసి తరించేందుకు భక్తులు ఎంతో ఉత్సాహంతో తరలి రావటంతో మండప ఆవరణమంతా కిక్కిరిసి పోయింది. యాగ నిర్వాహకులు హాజరైన మహిళలకు ఉచిత పూజా సామగ్రిని అందజేసి దశల వారిగా పండితుల సమక్షంలో కుంకుమ పూజలు చేయించి మహిళలకు అమ్మవారి గుర్తు ఉన్న వెండి నాణాన్ని, గాజులను, విజయవాడ కనకదుర్గమ్మ ఆలయం లడ్డూ ప్రసాదాన్ని అందజేశారు. హాజరైన ఇతర భక్తులకు కనకదుర్గమ్మ అమ్మవారి ప్రసాద లడ్డూని ప్రసాదంగా అందజేశారు. యాగ పూజల్లో భాగంగా గోమాతకు పొంగులేటి దంపతులు హారతి పూజలు చేశారు. పండితులు వేద మంత్రాలతో హోమ పూజలను నిర్వహిస్తూ మధ్య మధ్యలో భక్తి పాటలను ఆలపిస్తూ హాజరైన భక్తులను ఉత్సాహ పరిచారు. ఈ పూజా కార్యక్రమాలకు ప్రముఖులు సత్తుపల్లి, తిరువూరు ఎమ్మెల్యేలు సండ్ర వెంకటవీరయ్య, రక్షణనిధి, శాసనమండలి చైర్మన్ గుత్తా సుఖేందర్ రెడ్డి, ఎమ్మెల్సీ బాలసాని లక్ష్మీనారాయణతో పాటు అనేక మంది ప్రముఖులు హాజరయ్యారు. పూజా కార్యక్రమాలకు హాజరైన భక్తులకు ఉదయం, రాత్రి సమయాల్లో అన్నదాన ప్రసాదాలను అందజేశారు. మూడవ రోజు సహస్ర చండీయాగాన్ని పురస్కరించుకొని సుమారు 8వేల మంది భక్తులు హాజరైనట్లు సమాచారం. హాజరైన భక్తులకు ఎలాంటి అసౌకర్యం కలగకుండా పోలీసుశాఖ ఆధ్వర్యంలో బందోబస్తు ఏర్పాట్లు చేసి రాక పోకలను క్రమబద్ధీకరిస్తున్నారు. భక్తుల సంఖ్య రోజురోజుకు పెరుగుతుండటంతో గ్రామమంతా సందడిగా మారుతోంది.
*చిత్రం... చండీయాగం పూజలు నిర్వహిస్తున్న పండితులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.